ថ្ងៃ អង្គារ ទី ២៦ ខែ តុលា ឆ្នាំ ២០១០
អ្នកនាំពាក្យរដ្ឋាភិបាលអ៊ីរ៉ាក់ថ្លែង កាលពីថ្ងៃទី២៥ តុលា ថា រដ្ឋាភិបាលអ៊ីរ៉ាក់ពេលនេះបានបង្កើតគណៈកម្មាធិការមួយ ដើម្បីស៊ើបអង្កេតលើឯកសារសំងាត់ ដែលចេញផ្សាយដោយសហរដ្ឋអាមេរិក កាលពីថ្ងៃទី២២ តុលា កន្លងមក ដែលស្តីអំពីការចោទប្រកាន់លើការចាប់រំលោភ ដោយកងកំលាំងអ៊ីរ៉ាក់ និងកងកំលាំងអាមេរិក ប្រឆាំងអ្នកទោស និងជនស៊ីវិលអ៊ីរ៉ាក់ ។ អ្នកនាំពាក្យរូបនេះគឺលោក Ali al-Dabbagh ថ្លែងទៀតថា ក្រុមប្រឹក្សាសន្តិសុខជាតិអ៊ីរ៉ាក់ ដែលដឹកនាំដោយលោកនាយករដ្ឋមន្ត្រីនូរីអាល់ម៉ាលីគី បានសំរេចចិត្តបង្កើតគណៈកម្មការមួយដែលដឹកនាំដោយរដ្ឋមន្ត្រី ក្រសួងយុត្តិធម៌ ។ លោកបានបន្តទៀតថា គណៈកម្មការនេះនឹងបើកការស៊ើបអង្កេតទាំងស្រុងលើឯកសារទាំងនោះ ដើម្បីរកឱ្យឃើញអ្នកដែលជាប់ពាក់ព័ន្ធជាមួយនឹងការរំលោភបំពាន សិទ្ធិមនុស្សប្រឆាំងជនស៊ីវិលអ៊ីរ៉ាក់ដែលនឹងទទួលខុសត្រូវចំពោះ ទង្វើរបស់ពួកគេ ។
កាលពីថ្ងៃទី២៤ តុលា កន្លងមក រដ្ឋាភិបាលអ៊ីរ៉ាក់បានរិះគន់ចំពោះឯកសារដែលចេញដោយគេហទំព័រ Wiki Leaks ដោយថ្លែងថា ឯកសារដែលត្រូវបានចេញផ្សាយទាំងនោះត្រូវបានជំរុញដោយនយោបាយដែរ ឬក៏អត់ ។
ក្នុងសេចក្តីថ្លែងការណ៍មួយ រដ្ឋាភិបាលអ៊ីរ៉ាក់ និយាយថា នឹងស្វះស្វែងរកយុត្តិធម៌ សំរាប់ពលរដ្ឋអ៊ីរ៉ាក់ ដែលក្លាយជាជនរងគ្រោះនៃការចាប់រំលោភ ។ មួយចំនួននៃឯកសារប្រមាណ៤០០.០០០ច្បាប់ ដែលត្រូវបានចេញផ្សាយនោះ ផ្តល់ព័ត៌មានលំអិតអំពីការចោទប្រកាន់លើការចាប់រំលោភ និងអំពើសាហាវឃោរឃៅដែលបង្កឡើងដោយកងកំលាំងសន្តិសុខកាន់សាសនាស៊ី អ៊ីត ប្រឆាំងអ្នកទោសកាន់សាសនាស៊ុននីត ៕
ក្នុងសេចក្តីថ្លែងការណ៍មួយ រដ្ឋាភិបាលអ៊ីរ៉ាក់ និយាយថា នឹងស្វះស្វែងរកយុត្តិធម៌ សំរាប់ពលរដ្ឋអ៊ីរ៉ាក់ ដែលក្លាយជាជនរងគ្រោះនៃការចាប់រំលោភ ។ មួយចំនួននៃឯកសារប្រមាណ៤០០.០០០ច្បាប់ ដែលត្រូវបានចេញផ្សាយនោះ ផ្តល់ព័ត៌មានលំអិតអំពីការចោទប្រកាន់លើការចាប់រំលោភ និងអំពើសាហាវឃោរឃៅដែលបង្កឡើងដោយកងកំលាំងសន្តិសុខកាន់សាសនាស៊ី អ៊ីត ប្រឆាំងអ្នកទោសកាន់សាសនាស៊ុននីត ៕
