យោងតាមការប្រកាសរបស់តំណាងអង្គការសហប្រជាជាតិ ប្រចាំនៅកម្ពុជាបានឲ្យដឹងថា ដំណើរទស្សនកិច្ចរបស់លោកបាន គីមូន អគ្គលេខាធិការអង្គការសហប្រជាជាតិ នឹងជួបសវនាការជាមួយសម្ដេច អគ្គមហាសេនាបតីតេជោហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅក្នុងវិមានសន្តិភាព នៅថ្ងៃ ទី២៧ ខែតុលា វេលាម៉ោង៩ព្រឹក ហើយនៅវេលារសៀល លោកបាន គីមូន នឹងអញ្ជើញទៅទស្សនកិច្ចនៅអង្គជំនុំជម្រះវិសាមញ្ញក្នុងតុលាការ កម្ពុជា ដែលនៅទីនោះលោកនឹងជួបពិភាក្សាជាមួយឯកឧត្ដម ឧបនាយក រដ្ឋមន្រ្តី សុខ អាន រដ្ឋមន្រ្តីទទួលបន្ទុកទីស្ដីការគណៈរដ្ឋមន្រ្តី។
យោងតាមសេចក្ដីប្រកាសនោះ ក៏បានឲ្យដឹងផងដែរថា នៅថ្ងៃទី២៨ វេលាម៉ោងប្រមាណ៩ព្រឹក លោកអគ្គលេខាធិការអង្គការសហប្រជាជាតិនឹងធ្វើដំណើរទៅទស្សនកិច្ចនៅ មជ្ឈមណ្ឌលឧក្រិដ្ឋកម្មទួលស្លែង និងទស្សនកិច្ចនៅមន្ទីរពេទ្យមិត្តភាពខ្មែរ-សូវៀត៕
No comments:
Post a Comment