Monday, October 4, 2010
ប៊ីនឡាដេនផ្ញើសារដល់ទៅ2រយៈពេល24ម៉ោងឱ្យជួយជនរងគ្រោះដោយទឹកជំនន់
ក្រុមតាមដានបណ្តាញអ៊ីនធើរណេតអ៊ិស្លាម របស់អាេមរិករាយការណ៍កាលពីថ្ងៃទី២ តុលា ថា ប្រមុខអាល់កៃដា អូសាម៉ា ប៊ីនឡាដេន បានអំពាវនាវជាថ្មីឱ្យជួយពួកជនរងគ្រោះដោយទឹកជំនន់នៅប៉ាគីស្ថាន ក្នុងសារមួយ ដែលនោះជាសារទី២ របស់គេមានខ្លឹមសារប្រហាក់ប្រហែលគ្នា ក្នុងរយៈពេលតែ២៤ម៉ោង ។ ក្រោមចំណងជើងថា «ចូរជួយដល់បងប្អូននៅប៉ាគីស្ថាន» ប្រមុខអាល់កៃដាបានពង្រីកខ្លឹមសារនៃសាររបស់ខ្លួនចេញផ្សាយកាល ពីថ្ងៃទី១ តុលា កន្លងមកនេះ ដោយសង្កត់ធ្ងន់លើអ្វីដែលរូបគេចាត់ទុកថា ជាការទទូចដល់បណ្តាប្រទេសអារ៉ាប់ និងអ៊ិស្លាមឱ្យជួយដល់ពលរដ្ឋប៉ាគីស្ថាន ។ ប៊ីនឡាដេន បានលើកជាពិសេសពីឈ្មោះរបស់ប្រទេសទួរគី និងបណ្តាប្រទេសនៅឈូងសមុទ្រពែរ្ស និងម៉ាឡេស៊ី ។ ដោយលើកឡើងពីការងារជួយសង្គ្រោះប៊ីនឡាដេន និយាយថា ចម្លើយតបក្នុងការជួយសង្គ្រោះមិនទាន់គ្រប់គ្រាន់ឡើយ ។ ប៊ីនឡាដេន រំលឹកជាពិសេសថា ពុំទាន់មានេមដឹកនាំអារ៉ាប់ ឬអ៊ិស្លាមណាម្នាក់ធ្វើដំណើរទៅប៉ាគីស្ថាន ដើម្បីពិនិត្យពីទំហំនៃគ្រោះមហន្តរាយដ៏ធំបំផុត ប្រចាំសតវត្សឡើយ ផ្ទុយពីប្រមុខ អ.ស.ប លោកបាន គីមូន ៕
Subscribe to:
Posts (Atom)