ប្រភពពត៌មានសំខាន់ៗដែលដកស្រង់ពីកាសែតប្រចាំថ្ងៃ

Monday, February 27, 2012

ថៃបើកធ្វើសមយុទ្ធយោធាតាមព្រំដែននៅថ្ងៃអាទិត្យនេះ

ទាហានថៃបានបើកធ្វើសមយុទ្ធបាញ់គ្រាប់ពិតទ្រង់ទ្រាយធំមួយនៅថ្ងៃអាទិត្យនេះនៅក្នុងខេត្តសុរិន្ទជាប់ព្រំដែនកម្ពុជាត្រង់តំបន់ប្រាសាទតាមាន់ ថ្មដូននិងប្រាសាទតាក្របីនៃខេត្តឧត្តរមានជ័យ។ សមយុទ្ធឈ្មោះថា«ពស់វែក» បានប្រព្រឹត្តទៅដោយគ្មានផលប៉ះពាល់ចូលទឹកដីកម្ពុជាដូចកាលពីឆ្នាំ២០០៨ទេ។ យ៉ាងណាក៏ដោយសមយុទ្ធនៅតាមព្រំដែនដែលមានទំនាស់គឺជាសញ្ញាមិនល្អមួយ។ ប៉ុន្តែ មេទ័ពកម្ពុជាបានព្យាយាមសម្រាលស្ថានការណ៍ដោយអះអាងថាសមយុទ្ធធ្វើនៅក្នុងទឹកដីរបស់គេគឺជារឿងធម្មតាមួយប៉ុណ្ណោះ។ យោធាថៃបានបើកធ្វើសមយុទ្ធបាញ់គ្រាប់ពិតមួយ នៅថ្ងៃអាទិត្យនេះ នៅតំបន់ជាប់ព្រំដែនប្រទេសកម្ពុជា។ សមយុទ្ធឈ្មោះថា«ពស់វែក»ត្រូវបានរៀបចំឡើងនៅក្នុងព្រៃភ្នំដងរ៉ាក់ខេត្តសុរិន្ទរបស់ថៃ ឈមគ្នាជាមួយតំបន់ប្រាសាទតាមាន់ ថ្មដូន និងប្រាសាទតាក្របី ក្នុងស្រុកបន្ទាយអំពិល ខេត្តឧត្តរមានជ័យ របស់កម្ពុជា។ ប្រភពយោធាពីតំបន់ជាយដែនបានឲ្យដឹងនៅថ្ងៃនេះថា សមយុទ្ធ«ពស់វែក»នេះបានបើកធ្វើកាលពីព្រឹកមិញ នៅចម្ងាយ៨គីឡូម៉ែត្រពីព្រំដែន។ លំហាត់យោធាទ្រង់ទ្រាយធំនេះបានប្រព្រឹត្តទៅដោយមិនបានធ្វើឲ្យប៉ះពាល់ដល់ទឹកដីកម្ពុជាទេ ហើយក៏គ្មានគ្រាប់ផ្លោងណាមួយធ្លាក់មកក្នុងទឹកដីកម្ពុជាដូចកាលពីឆ្នាំ២០០៨ដែរ។ កាលពីឆ្នាំ២០០៨ នៅក្នុងឱកាសបើកសមយុទ្ធដូចគ្នានេះដែរ គ្រាប់ផ្លោងជាច្រើនគ្រាប់បានធ្លាក់ចូលមកក្នុងទឹកដីកម្ពុជា។ បន្ទាប់ពីភាគីកម្ពុជាបញ្ចេញប្រតិកម្មខ្លាំងៗ ភាគីថៃបានសុំទោស ដោយអះអាងថាជាការបាញ់មិនចំគោលដៅ។ ប្រភពពីមន្ត្រីយោធាដដែលឲ្យដឹងទៀតថា ស្ថានការណ៍នៅតាមព្រំដែនកម្ពុជា-ថៃមានសភាពស្ងប់ស្ងាត់ជាធម្មតាទេនៅពេលនេះ។ មុនធ្វើសមយុទ្ធនេះប៉ុន្មានថ្ងៃ យោធាថៃបានជូនដំណឹងដល់កម្ពុជាដែរ ដោយអះអាងថា សមយុទ្ធនេះមានប្រើប្រាស់សម្ភារៈយោធាចម្រុះ ដូចជាកាំភ្លើងធំ កាំភ្លើងដៃ រថពាសដែក និងរថក្រោះ។ ជាការកត់សម្គាល់ ភាគីថៃតែងតែបើកធ្វើសមយុទ្ធនៅកៀកនឹងព្រំដែនដែលមានទំនាស់ ដោយមិនខ្វល់ខ្វាយពីផលអាក្រក់ដែលកើតពីសមយុទ្ធនេះឡើយ។ សមយុទ្ធបែបនេះត្រូវបានអ្នកខ្លះចាត់ទុកជាការគំរាមដល់ភាគីកម្ពុជា ប៉ុន្តែ មន្ត្រីយោធាកម្ពុជាតែងព្យាយាមសម្រាលស្ថានការណ៍ដោយអះអាងថាជារឿងធម្មតាទេដែលថៃធ្វើសមយុទ្ធក្នុងទឹកដីរបស់គេ។ កាលពី២សប្តាហ៍មុន រដ្ឋមន្ត្រីការពារជាតិកម្ពុជា លោក ទៀ បាញ់ បានសរសេរលិខិតទៅសមភាគីថៃ ដើម្បីរម្លឹកឲ្យថៃកំណត់ពេលនៃកិច្ចប្រជុំក្រុមការងារចម្រុះព្រំដែន ដែលភាគីទាំងពីរបានសម្រេច កាលពីថ្ងៃទី២១ខែធ្នូ ឆ្នាំ២០១១ កន្លងទៅ។ ប៉ុន្តែ រហូតមកដល់ពេលនេះ ក្រសួងការពារជាតិថៃនៅមិនទាន់ឆ្លើយតបនៅឡើយទេ តែភាគីថៃបែរជាបើកធ្វើសមយុទ្ធតាមព្រំដែនទៅវិញ ខណៈដែលបញ្ហាព្រំដែនរវាងប្រទេសទាំងពីរមិនទាន់បានដោះស្រាយអ្វីសោះ៕

Friday, November 26, 2010

បុរសអាហ្សង់ទីនម្នាក់បង្ខាំងកូនស្រីទុករំលោភរយៈពេល30ឆ្នាំមានកូន10នាក់

ថ្ងៃ ព្រហស្បតិ៍ ទី ២៥ ខែ វិច្ឆិកា ឆ្នាំ ២០១០

ចៅក្រមតុលាការមួយរបស់ប្រទេសអាហ្សង់ទីន និយាយនៅថ្ងៃទី២៥ វិច្ឆិកា ថា បុរសជនជាតិអាហ្សង់ទីនម្នាក់អាយុ៦២ឆ្នាំ ត្រូវបានចាប់ខ្លួនពីបទចោទប្រកាន់រំលោភកូនស្រីរបស់ខ្លួនអស់រយៈពេល ៣០ឆ្នាំ រហូតដល់មានកូន១០នាក់ ដែលករណីនេះមានភាពធ្ងន់ធ្ងរជាងករណីដូចគ្នានេះនៅក្នុងប្រទេស អូទ្រីស កាលពីឆ្នាំ២០០៨ កន្លងមកទៅទៀត ។ ចៅក្រមរូបនេះ លោក Virgilio Palud បានប្រាប់វិទ្យុក្នុងស្រុកមួយថា ជនជាប់នោះបានបដិសេធការចោទប្រកាន់រូបលោក ប៉ុន្តែតាមរយៈការធ្វើតេស្ត DNA បង្ហាញថា ជនអគតិនេះពិតជាឪពុករបស់កូនទាំង១០នាក់នោះមែន ។
ជននេះត្រូវ បានចោទប្រកាន់ពីបទចាប់បង្ខាំងកូនស្រីបង្កើតរបស់ខ្លួនទុករំលោភ ដែលជាបទឧក្រិដ្ឋមួយមានទោសជាប់ពន្ធនាគាររយៈពេល២០ឆ្នាំ ។ ជនអគតិនេះដែលអត្តសញ្ញាណមិនត្រូវបានគេបង្ហាញនោះត្រូវបានចាប់ខ្លួន ពីបទល្បួងកូនស្រីរបស់ខ្លួនដែលឥឡូវនេះមានអាយុ៤៣ឆ្នាំ យកទៅរួមភេទ ។
កូនស្រីដែលជាជនរងគ្រោះរូបនេះ អះអាងថា នាងត្រូវបានឪពុកនាងចាប់រំលោភតាំងពីនាងមានអាយុ១៣ឆ្នាំមក ម៉្លេះ នៅក្នុងផ្ទះក្នុងភូមិមួយនៃទីក្រុង Nicanor Molinas មានចំងាយ៦០០គីឡូម៉ែត្រ ភាគខាងជើងទីក្រុងប៊ុយណូហ្សែរ ។ នាងអះអាងបញ្ជាក់ទៀតថា រូបនាងត្រូវបានចាប់រំលោភរហូតដល់មានកូន១០នាក់ ហើយបច្ចុប្បន្នកូនទាំងនោះមានអាយុ៧ឆ្នាំដល់២៧ឆ្នាំ ។
លោកចៅ ក្រម Palud និយាយថា ករណីបុរសអាហ្សង់ទីនចាប់រំលោភកូនស្រីរបស់ខ្លួនអស់រយៈពេល៣០ ឆ្នាំនេះ វាធ្ងន់ធ្ងរជាងករណីដូចគ្នានេះដែលកើតឡើងនៅក្នុងប្រទេសអូទ្រីស ទៅទៀត ដែលជនអគតិជាឪពុកឈ្មោះ Josef Fritzl ត្រូវបានកាត់ទោសដាក់ពន្ធនាគារអស់មួយជីវិតពីបទបង្ខាំងកូន ស្រីរបស់ខ្លួនទុករំលោភអស់រយៈពេល២៤ឆ្នាំ រហូតមានកូន៧នាក់ ។
លោក Palud និយាយឱ្យដឹងទៀតថា កូនស្រីម្នាក់ទៀតរបស់ជនសង្ស័យនោះក៏អះអាងថា រូបនាងត្រូវបានឪពុកចាប់រំលោភដែរ ហើយពេលមានកូននាងបានរំលូតកូននោះចោល ។
ករណីនេះជាករណីឪពុក ចាប់រំលោភកូនបង្កើតលើកទី៣ ហើយដែលបានកើតឡើងនៅក្នុងប្រទេសអាហ្សង់ទីន ក្នុងរយៈពេលប៉ុន្មានឆ្នាំចុងក្រោយនេះ ។ កាលពីឆ្នាំមុនករណីបែបនេះបានធ្វើឱ្យមានការភ្ញាក់ផ្អើលយ៉ាង ខ្លាំងនៅប្រទេសអាហ្សង់ទីន នៅពេលបុរសម្នាក់អាយុ៦៧ឆ្នាំ ត្រូវបានចោទប្រកាន់ពីបទរំលោភកូនស្រីម្នាក់ក្នុងចំណោមកូនស្រី ៣នាក់របស់ខ្លួន រហូតដល់មានកូន៧នាក់ ចំណែកកាលពីខែមុនបុរសម្នាក់ទៀតអាយុ៦០ឆ្នាំ រស់នៅក្នុងតំបន់ Cordoba ភាគកណ្តាលប្រទេសអាហ្សង់ទីន ត្រូវបានចាប់ខ្លួនពីបទចោទប្រកាន់រំលោភកូនស្រីរបស់ខ្លួនអស់រយៈ ពេល២០ឆ្នាំ រហូតមានកូន៦
នាក់ ។ ប៉ុន្តែទោះបីជាបែបណាករណីចុងក្រោយមានភាពធ្ងន់ធ្ងរបំផុត ។ដកស្រង់ពី កោះសន្តិភាព

កុមារានៅក្រោមគំនរសពសោដនាដកម្មដែលគេចាត់ទុកថាស្លាប់ ស្រាប់តែរស់ឡើងវិញ សំណាង១ក្នុងម៉ឺនសែនគ្រោះថ្នាក់

កុមារាដែលរួចពីសេចក្តីស្លាប់នៃគំនរសពសោកនាដកម្មលើស្ពានពេជ្រ

ដោយ ៖ កោះឯករាជ្យ

ថ្ងៃ ព្រហស្បតិ៍ ទី ២៥ ខែ វិច្ឆិកា ឆ្នាំ ២០១០

(រូបថត ប៊ុនរី)

កុមារាដែលរួចពីសេចក្តីស្លាប់នៃគំនរសពសោកនាដកម្មលើស្ពានពេជ្រ

រាជធានីភ្នំពេញ ៖ កុមារាម្នាក់ដែលមិនទាន់ដឹងក្តីនៅឡើយបានរងគ្រោះស្ថិតនៅក្រោមគំនរ មនុស្សក្នុងអន្លង់សោកនាដកម្មលើស្ពានពេជ្រនៃទីក្រុងកោះពេជ្រ ដែលសមត្ថកិច្ចបានទាញចេញពីគំនរសពបញ្ជូនទៅកាន់កន្លែងរក្សាសពនៅ ឯមន្ទីរពេទ្យកាល់ម៉ែត ហើយគិតថា ក្មេងនេះស្លាប់បាត់ទៅហើយ ស្រាប់តែរស់ឡើងវិញ ធ្វើឱ្យមានការភ្ញាក់ផ្អើលយ៉ាងខ្លាំង ខណៈម្តាយបង្កើត ម្តាយមីង បងស្រីរបស់គេបានស្លាប់គួរឱ្យរន្ធត់ ។ គួររំលឹកឡើងវិញថា នៅក្នុងព្រឹត្តិការណ៍កោលាហលមនុស្សប្រជៀតរត់ជាន់គ្នាបណ្តាលឱ្យ ស្លាប់ជិត៤០០នាក់ និងរងរបួសជាង៧០០នាក់នៅលើស្ពានពេជ្រនៃទីក្រុងកោះពេជ្រ កាលពីរាត្រីថ្ងៃទី២២ វិច្ឆិកា ២០១០ ជាថ្ងៃចុងក្រោយនៃការប្រារព្ធព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុកនោះ គេឃើញសមត្ថកិច្ចប៉េអឹមបានទាញកុមារាតូចនោះចេញពីគំនរសព ដោយមានសភាពទន់ដៃទន់ជើង និងទន់.កល្ងៀក ហើយត្រូវបានគេចាត់ទុកថា ស្លាប់បាត់ទៅហើយ ក៏យកសពកុមារតូចនោះទៅដាក់នៅសាលរក្សាសពក្នុងមន្ទីរពេទ្យកាល់ ម៉ែត្រគឺដាក់លាយឡំជាមួយសពមនុស្សប្រុស-ស្រីក្មេង-ចាស់ជាច្រើន នាក់ទៀតរង់ចាំបងប្អូនសាច់ញាតិឪពុក-ម្តាយមកទទួលយកទៅធ្វើបុណ្យតែ ប៉ុណ្ណោះ ។

ខណៈមនុស្សម្នាមកវែកពិនិត្យរកមើលសពសាច់ ញាតិ ឡូកឡំជាមួយអារម្មណ៍រន្ធត់នោះ ស្រាប់តែអ្នកគ្រូពេទ្យម្នាក់នៃមន្ទីរពេទ្យកាល់ម៉ែត្រប្រទះឃើញ សពកុមារានេះគួរឱ្យអាណិត ហើយសង្ស័យថា ដូចជាមានសភាពខុសគេបន្តិចក៏យកដៃស្ទាបថ្ងាស ស្ទាបទ្រូង ដឹងថា សាច់នៅក្តៅឧណ្ហៗ...ហើយក៏ចាប់ក្តិចសច់ក្លៀកតាមបែបបច្ចេកទេសពេទ្យ សាកមើល ស្រាប់តែក្មេងនោះស្រែកអូយ៎...! អ្នកគ្រូពេទ្យក៏មានការភ្ញាក់ផ្អើល និងរហ័សយកទៅសង្គ្រោះបន្ទាន់ ទើបគេនៅរស់រានមានជីវិតដល់សព្វថ្ងៃនេះ ។

កុមារាដែលគេគិតថា ស្លាប់ហើយរស់ឡើងវិញនេះ មានឈ្មោះស័ក កនរៀមរក្សារស្មី អាយុ៧ឆ្នាំ ស្នាក់នៅភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល រៀននៅសាលាបឋមសិក្សាភូមិធំ ។ ម្តាយបង្កើតរបស់គេឈ្មោះអ៊ូ ស្រីមុំ អាយុ៣៦ឆ្នាំ ម្តាយមីងឈ្មោះអ៊ូ ចន្ថា អាយុ២៤ឆ្នាំ បងស្រីបង្កើតរបស់គេឈ្មោះស័កកនកន្និដ្ឋា អាយុ១១ឆ្នាំ អ្នកទាំងនេះបានស្លាប់នៅក្នុងគំនរសពនៃសោកនាដកម្មលើស្ពានពេជ្រ អស់ទៅហើយ ។

កុមារស័ក កនរៀមរក្សារស្មី អាយុ៧ឆ្នាំ ដែលរួចពីសេចក្តីស្លាប់នៃគំនរសពសោកនាដកម្មលើស្ពានពេជ្របាន ឱ្យដឹងថា កាលពីល្ងាចថ្ងៃទី២២ វិច្ឆិកា ២០១០ នោះ រូបគេ និងម្តាយបង្កើត ម្តាយមីង និងបងស្រី បានជិះរ៉ឺម៉កម៉ូតូកង់៤ (តុក តុក) ទៅលេងសួនមាត់ទន្លេមុខវាំង...យប់បន្តិចទៅលេងសួនណាហ្គា និងសសៀរទៅកាន់តំបន់កោះពេជ្រ...លុះត្រឡប់មកវិញ ស្ពានពេជ្រកាន់តែចង្អៀតទៅៗ ធ្វើឱ្យម្តាយមីង និងបងស្រីបែកចេញទៅឆ្ងាយបាត់នៅសល់តែរូបគេត្រូវម្តាយ.ពជាប់ ប៉ុន្តែភាពចង្អៀតបានរុញច្រានឱ្យរូបគេឃ្លាតចេញពីម្តាយទៅទៀត ហើយមនុស្សម្នាជាច្រើនចេះតែជាន់សង្កត់មកលើរូបគេខ្លាំងទៅៗ និងជាន់គរលើគ្នា...បន្ទាប់មករូបគេក៏សន្លប់លែងដឹងខ្លួនតាំងពី ពេលនោះទៅ...លុះពេលដឹងខ្លួនស្រាប់តែស្ថិតនៅមន្ទីរពេទ្យកាល់ម៉ែត ទន្ទឹមគ្នានឹងគេប្រាប់ថា ម្តាយបង្កើត ម្តាយមីង បងស្រី បានស្លាប់នៅក្នុងគំនរមនុស្សនោះអស់ទៅហើយ ៕ដកស្រង់ពី កោះសន្តិភាព

Friday, November 19, 2010

លទ្ធផលជំនួបរវាងសម្តេចតេជោហ៊ុន សែន និងលោកអាប់ភីស៊ីត វ៉េចាជីវ

ជំនួបរវាងសម្តេចតេជោហ៊ុន សែននាយករដ្ឋមន្ត្រី និងលោកអាប់ភីស៊ីត នាយករដ្ឋមន្ត្រីថៃ

ដោយ ៖ កោះឯករាជ្យ

ថ្ងៃ ព្រហស្បតិ៍ ទី ១៨ ខែ វិច្ឆិកា ឆ្នាំ ២០១០

(រូបថត សហការី)

ជំនួបរវាងសម្តេចតេជោហ៊ុន សែននាយករដ្ឋមន្ត្រី និងលោកអាប់ភីស៊ីត នាយករដ្ឋមន្ត្រីថៃ

រាជធានីភ្នំពេញ ៖ ជំនួបរវាងសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកអាប់ភីស៊ីត វ៉េចាជីវ៉ា នាយករដ្ឋមន្ត្រីថៃ នាល្ងាចថ្ងៃទី១៧ វិច្ឆិកា គឺជាជំនួបលើកទី៤ បន្ទាប់ពីការជួបគ្នាបន្តបន្ទាប់ចាប់តាំងពីជំនួបក្រុងញូវយ៉ក សហរដ្ឋអាមេរិក ជំនួបនៅក្រុងប៊្រុចសែល ប្រទេសបែលហ្ស៊ិក ជំនួបនៅក្រុងហាណូយ ប្រទេសវៀតណាម ។ ទោះបីជំនួបបន្តបន្ទាប់មិនមែនជាជំនួបផ្លូវការសំរាប់ការចរចាពី បញ្ហាព្រំដែនក្តី ក៏ជំនួបនេះបានធ្វើឱ្យស្ថានភាពតានតឹងនានាលើវិស័យការទូតបានទទួល លក្ខណៈល្អប្រសើរឡើងជាលំដាប់ ទាំងស្ថានភាពផ្នែកសេដ្ឋកិច្ចរហូតដល់ស្ថានការណ៍ខាងយោធា ដែលតាមតំបន់ព្រំដែនធ្លាប់តែមានការប្រឈមមុខដាក់គ្នា និងធ្លាប់ប៉ះទង្គិចគ្នានោះក៏បានស្ងប់ស្ងាត់ និងធូរស្រាលឡើងវិញ។

ក្នុងជំនួបលើកទី៤នេះ តាមលោកកុយ គួង អ្នកនាំពាក្យក្រសួងការបរទេសមានប្រសាសន៍ឱ្យដឹងថា លទ្ធផលជំនួបរវាងសម្តេចតេជោនាយករដ្ឋមន្ត្រី និងលោកអាប់ភីស៊ីត នាយករដ្ឋមន្ត្រីថៃ កាលពីថ្ងៃទី១៧ វិច្ឆិកា ២០១០ គឺភាគីទាំង២បានឯកភាពគ្នា ៖

១-បន្តប្រើប្រាស់យន្តការដែលមានស្រាប់ដូចជាគណៈ កម្មការព្រំដែនចំរុះ និងគណៈកម្មាធិការព្រំដែនទូទៅដែលដឹកនាំដោយរដ្ឋមន្ត្រីការបរទេស និងរដ្ឋមន្ត្រីការពារជាតិ ហើយឱ្យមានកិច្ចប្រជុំផ្សេងៗជាទៀងទាត់ ។

២-កាត់បន្ថយភាពតានតឹងនៅតាមព្រំដែន ជាពិសេសចៀសវាងការប្រឈមមុខដាក់គ្នាផ្នែកយោធា ដោយពិនិត្យមើលលទ្ធភាពនៃការដកកងទ័ពពីតំបន់ព្រំដែន ។

៣-ពិភាក្សាស្ថានភាពពលករខ្មែរដែលកំពុងស្នាក់នៅធ្វើការក្នុងប្រទេសថៃ នាពេលបច្ចុប្បន្ន ។

៤-និយាយពីសកម្មភាពរៀបចំការប្រារព្ធខួបលើក ទី៦០នៃទំនាក់ទំនងការទូតរវាងប្រទេសទាំង២ ដែលនឹងប្រព្រឹត្តទៅនៅថ្ងៃទី១៩ ធ្នូ ខាងមុខនេះ ហើយស្ថានទូតថៃគ្រោងរៀបចំពិធីជប់លៀង និងសំដែងសិល្បៈផ្សេងៗ ។

៥-ព្រឹត្តិការណ៍វប្បធម៌សាសនា និងពាណិជ្ជកម្មកន្លងទៅថ្មីៗនេះ ភាគីថៃបានដង្ហែកឋិនទានចូលមកប្រទេសកម្ពុជា ហើយគ្រោងធ្វើបុណ្យផ្កាមកបន្តទៀត ។

ក្រៅពីនេះ ក៏មានការរៀបចំតាំងពិព័រណ៍ពាណិជ្ជកម្មថៃនៅកម្ពុជាផងដែរ ។

លោកកុយ គួង មានប្រសាសន៍ឱ្យដឹងទៀតថា ជាចុងក្រោយភាគីទាំង២សង្ឃឹមថា គណៈកម្មការចំរុះសភាថៃ នឹងអនុម័តឯកសារទាំង៣ របស់គណៈកម្មការព្រំដែនចំរុះ JBC ក្នុងនោះមានកិច្ចព្រមព្រៀងបណ្តោះអាសន្នដែលជាលទ្ធផលនៃកិច្ច ប្រជុំថ្នាក់រដ្ឋមន្ត្រីការបរទេសនៃប្រទេសទាំង២ ដែលធ្វើឡើងក្នុងឆ្នាំ២០០៨-២០០៩ កន្លងមកនេះ៕

Tuesday, November 16, 2010

គំរោងការនាំចេញផលិតផលស្រាបៀរខ្មែរទៅក្រៅប្រទេស

លោកជំទាវឧកញ៉ា ភាព ហៀក ក្នុងការជួបសំដែងការគួរសមជាមួយលោកចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងពាណិជ្ជកម្ម

ដោយ ៖ កោះឯករាជ្យ

ថ្ងៃ ច័ន្ទ ទី ១៥ ខែ វិច្ឆិកា ឆ្នាំ ២០១០

(រូបថត សហការី)

លោកជំទាវឧកញ៉ា ភាព ហៀក ក្នុងការជួបសំដែងការគួរសមជាមួយលោកចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងពាណិជ្ជកម្ម

រាជធានីភ្នំពេញ ៖ កាលពីថ្ងៃទី១២ វិច្ឆិកា កន្លងមកក្នុងការជួបសំដែងការគួរសមរវាងក្រុមហ៊ុនខ្មែរប្រ៊ីវើររី (Khmer Brewery Ltd) តំណាងដោយលោកជំទាវឧកញ៉ា ភាព ហៀក លោកឧកញ៉ាលាង ឃុន ជាប្រធានក្រុមប្រឹក្សាភិបាលជាមួយលោកចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងពាណិជ្ជកម្ម ស្តីអំពីការនាំចេញផលិតផលស្រាបៀរខ្មែរទៅក្រៅប្រទេស។ លោកទេសរដ្ឋមន្ត្រី ចម ប្រសិទ្ធ បានកោតសរសើរលោកជំទាវឧកញ៉ា ភាព ហៀក ប្រធានក្រុមប្រឹក្សាភិបាលនៃក្រុមហ៊ុនខ្មែរប្រីវើររីដែល ពីមុនមានលក់តែគ្រឿងសំណង់ និងនាំចូលផលិតផលគ្រឿងឧបភោគបរិភោគគ្រប់មុខតែរហូតដល់ បច្ចុប្បន្នឈានដល់ការផលិតស្រាបៀរខ្មែរថែមទៀត នេះជាការរីកចំរើនគួរឱ្យកត់សំគាល់។ លោកទេសរដ្ឋមន្ត្រីបានធ្វើការផ្តាំផ្ញើដល់ក្រុមហ៊ុនខ្មែរប្រីវើររី ឱ្យខិតខំផលិតស្រាបៀរដែលមានគុណភាពល្អស័ក្តិសមនឹងឈ្មោះលើសពីនេះទៀត ស្លាកសញ្ញារបស់ស្រាបៀរនេះ ត្រូវមានលក្ខណៈជាខ្មែរ និងសោភ័ណភាពល្អ។
រោងចក្រផលិតស្រាបៀរខ្មែរដ៏ធំមួយដែលបានវិនិយោគអស់ទឹកប្រាក់ ចំនួន៦០លានដុល្លារ អាមេរិក និងដែលបានប្រារព្ធពិធីបើកការដ្ឋានសាងសង់កាលពីថ្ងៃទី១៧ មីនា ឆ្នាំ២០១០ នៅការដ្ឋានរោងចក្រស្រាបៀរខ្មែរ ស្ថិតក្នុងភូមិជើងឯកសង្កាត់ជើងឯក ខណ្ឌដង្កោ។ ក្នុងគោលបំណងប្រកួតប្រជែងជាមួយស្រាបៀរអន្តរជាតិ និងប្រកាសប្រាប់ពីរោងចក្រស្រាបៀរខ្មែរដែលមានសមត្ថភាពផលិតស្រាបៀរ ក្នុងមួយឆ្នាំ បានចាប់ពី១លានហិចតូលីត្រ រហូតដល់ទៅ២លានហិចតូលីត្រ ដោយប្រើបច្ចេកវិទ្យាទំនើបបំផុតមកពីប្រទេសអាល្លឺម៉ង់ក្នុងការផលិត។ លោកឧកញ៉ាប្រធានក្រុមហ៊ុននិយាយថា ចំពោះការសាងសង់រោងចក្រ យើងបានផ្តល់សិទ្ធិសាងសង់ទៅឱ្យក្រុមហ៊ុនហ្ស៊ីម៉ាន់ គ្រុបជាដៃគូដ៏រឹងមាំ និងមានបទពិសោធន៍ឯកទេសខាងផលិតស្រាបៀរជាង១៥០ឆ្នាំ នៅលើពិភពលោក ហើយក៏ជាក្រុមហ៊ុននាំមុខគេផ្នែកអនុវត្តគំរោងសាងសង់លើពិភពលោកដែរ។
រោងចក្រស្រាបៀរខ្មែរថ្មីជាមួយនឹងកិត្តិនាមថ្មីនេះ រួមផ្សំជាមួយនឹងបទពិសោធន៍១៥០ឆ្នាំមកពីអាល្លឺម៉ង់ ស្រាបៀរខ្មែរនឹងធ្វើការនាំចេញទៅក្រៅប្រទេសក្នុងគោលបំណង ប្រកួតប្រជែងលើទីផ្សារអន្តរជាតិ។ ម្យ៉ាងវិញទៀតក្រុមហ៊ុនខ្មែរប្រ៊ីវើររី និងដើរតួយ៉ាងសំខាន់ក្នុងការជួយកាត់បន្ថយភាពក្រីក្រ ព្រមទាំងលើកស្ទួយអភិវឌ្ឍន៍វិស័យឧស្សាហកម្មផ្នែកស្រាបៀរ នៅកម្ពុជាដោយផលិតនូវស្រាបៀរគុណភាពចំណាត់ថ្នាក់ពិភពលោក។
ឈរលើអត្ថប្រយោជន៍ ស្រាបៀរខ្មែរ ផលិតដោយខ្មែរ ក្នុងន័យបំពេញតំរូវការអតិថិជនជាតិ និងអន្តរជាតិឱ្យមានភាពជាប់ចិត្តជាមួយនឹងគុណភាពផ្តាច់គេរបស់ស្រាបៀរ ខ្មែរ។ ដូច្នេះក្រុមហ៊ុនខ្មែរប្រ៊ីវើររី (Khmer Brewery Ltd) ដ៏ថ្មីនេះ នឹងរួមចំណែកយ៉ាងផុសផុលក្នុងការធ្វើឱ្យរីកចំរើនប្រកបដោយជោគជ័យនៅ ក្នុងប្រទេសកម្ពុជា៕ដកស្រង់ពី កោះសន្តិភាព

Saturday, November 13, 2010

កិច្ចប្រជុំគណៈរដ្ឋមន្ត្រី អនុម័តសេចក្តីព្រាងច្បាប់អនុវត្តក្រមរដ្ឋប្បវេណី

ដោយ ៖ កោះឯករាជ្យ

ថ្ងៃ សុក្រ ទី ១២ ខែ វិច្ឆិកា ឆ្នាំ ២០១០

(រូបថត សហការី)

នៅទីស្តីការគណៈរដ្ឋមន្ត្រី មានបើកសម័យប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន

រាជធានីភ្នំពេញ ៖ ថ្ងៃទី១២ ខែវិច្ឆិកា ឆ្នាំ២០១០ វេលាម៉ោង៨និង៣០នាទីព្រឹក នៅទីស្តីការគណៈរដ្ឋមន្ត្រី មានបើកសម័យប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងអាណត្តិទី៤ ដើម្បីឆ្លង ១-សេចក្តីព្រាងច្បាប់ ស្តីពីការអនុវត្តក្រមរដ្ឋប្បវេណី។ ២-សេចក្តីព្រាងអនុក្រឹត្យស្តីពីការបណ្តុះបណ្តាលថ្នាក់បណ្ឌិត។ ៣-សេចក្តីព្រាងអនុក្រឹត្យ ស្តីពីការបង្កើតតំបន់គ្រប់គ្រង និងអភិរក្សដែនបំរុងសត្វក្រៀល និងសត្វស្លាបផ្សេងទៀត ស្ថិតនៅទីតាំងអន្លង់ព្រីង ស្រុកកំពង់ត្រាច ខេត្តកំពត។ ៤-បញ្ហាផ្សេងៗ៖ សំណើសុំការយល់ព្រមពីគណៈរដ្ឋមន្រ្តី ដើម្បីសុំសច្ចាប័នពីស្ថាប័ននីតិប្បញ្ញតិ្តលើកកិច្ចព្រមព្រៀងចំនួន៣ ក្រោមតំបន់ពាណិជ្ជកម្មសេរីអាស៊ាន-ឥណ្ឌា» ។

ក្រោយពីបានស្តាប់របាយការណ៍ និងមតិពិភាក្សាផ្លាស់ប្តូរយោបល់រួចមក កិច្ចប្រជុំពេញអង្គគណៈរដ្ឋមន្ត្រីបានសម្រេច៖

១-សេចក្តីព្រាងច្បាប់ស្តីពីការអនុវត្តក្រមរដ្ឋប្បវេណីក្រមរដ្ឋប្បវេណីកម្ពុជា ដែលប្រមូលផ្តុំនូវបណ្តាច្បាប់ជាមូលដ្ឋាននៃនីតិឯកជនទាំងឡាយ ត្រូវបានប្រកាសឱ្យប្រើតាមព្រះរាជក្រមលេខនស/រកម/១២០៧/០៣០ ចុះថ្ងៃទី៨ ខែធ្នូ ឆ្នាំ២០០៧។ ទោះបីជាក្រមរដ្ឋប្បវេណីត្រូវបានប្រកាសឱ្យប្រើរួចហើយក៏ដោយ នៅក្នុងបញ្ញត្តិនៃមាត្រា១៣០៥ ចែងថា ក្រមនេះត្រូវអនុវត្តចាប់ពីថ្ងៃដែលកំណត់ផ្សេងដោយច្បាប់ ក៏ដូចជាទំនាក់ទំនងរដ្ឋប្បវេណីនេះមានភាពស្មុគស្មាញ ទាំងនៅក្នុងការបកស្រាយ និងទាំងនៅក្នុងការអនុវត្តជាមួយបណ្តាច្បាប់មួយចំនួនដូចជា ក្រឹត្យ ច្បាប់លេខ៣៨ក្រ.ច ស្តីពីកិច្ចសន្យា និងការទទួលខុសត្រូវក្រៅកិច្ចសន្យា ច្បាប់ស្តីពីអាពាហ៍ពិពាហ៍និងគ្រួសារ ច្បាប់ភូមិបាល និងច្បាប់ស្តីពីប្រតិបត្តិការដែលមានកិច្ចធានាជាដើម។ អាស្រ័យហេតុនេះទើបក្រសួងយុត្តិធម៌ ដោយមានជំនួយពីទីភ្នាក់ងារសហប្រតិបត្តិការអន្តរជាតិជប៉ុន បានរៀបចំសេចក្តីព្រាងច្បាប់នេះឡើង ដើម្បីធ្វើការសម្របសម្រួលជាមួយបទប្បញ្ញត្តិច្បាប់ និងបទដ្ឋានគតិយុត្តធរមាននានា ឱ្យមានភាពស៊ីសង្វាក់នៅក្នុងការអនុវត្ត និងដើម្បីឱ្យក្រមរដ្ឋប្បវេណីអាចអនុវត្តបានដោយរលូន។ សេចក្តីព្រាងច្បាប់ស្តីពីការអនុវត្តក្រមរដ្ឋប្បវេណី ដែលមានវិសាលភាពអនុវត្ត ចំពោះបញ្ហាដែលទាក់ទងនឹងការអនុវត្តក្រមរដ្ឋប្បវេណី រួមមាន៨ជំពូក និង៨៤មាត្រា។

២-សេចក្តីព្រាងអនុក្រឹត្យ ស្តីពីការបណ្តុះបណ្តាលថ្នាក់បណ្ឌិតដោយអនុលោមតាមអនុសាសន៍ដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានថ្លែងក្នុងពិធីសន្និបាតជាតិអប់រំ និងពិធីចែកសញ្ញាប័ត្រដល់និស្សិតនៃសាកលវិទ្យាល័យអន្តរជាតិនៅឆ្នាំ២០០៩ សេចក្តីព្រាងអនុក្រឹត្យស្តីពីការបណ្តុះបណ្តាលថ្នាក់បណ្ឌិតនេះត្រូវបានរៀបចំឡើងដោយគណៈកម្មាធិការជាតិរៀបចំគោលការណ៍ណែនាំ និងនីតិវិធីក្នុងការដឹកនាំ និងការពារសារណានិក្ខេបបទក្នុងគោលបំណង ដើម្បីបង្កើននិងធានាគុណភាព និងធ្វើឯកភាពនីយកម្មក្នុងការបណ្តុះបណ្តាលថ្នាក់បណ្ឌិត ហើយក៏ដើម្បីជួយគ្រឹះស្ថានឧត្តមសិក្សារដ្ឋ និងឯកជនឱ្យមានភាពងាយស្រួលក្នុងការរៀបចំការបណ្តុះបណ្តាលថ្នាក់បណ្ឌិត ហើយក៏ដើម្បីជួយជម្រុញ និងលើកទឹកចិត្តចំពោះការស្រាវជ្រាវផងដែរ។សេចក្តីព្រាងអនុក្រឹត្យ ស្តីពីការបណ្តុះបណ្តាលថ្នាក់បណ្ឌិតរួមមាន៧ជំពូក និង៣១ មាត្រា។

៣-សេចក្តីព្រាងអនុក្រឹត្យ ស្តីពីការបង្កើតតំបន់គ្រប់គ្រង និងអភិរក្សដែនបំរុងសត្វក្រៀល និងសត្វស្លាបផ្សេងទៀតស្ថិតនៅទីតាំងអន្លង់ព្រីង ស្រុកកំពង់ត្រាច ខេត្តកំពតសេចក្តីព្រាងអនុក្រឹត្យនេះត្រូវបានរៀបចំឡើងដោយក្រសួងកសិកម្ម រុក្ខាប្រមាញ់ និងនេសាទ ក្នុងគោលបំណងអភិរក្សសត្វក្រៀល និងសត្វស្លាបផ្សេងទៀតស្ថិតនៅទីតាំងអន្លង់ព្រីង ស្រុកកំពង់ត្រាច ខេត្តកំពត ហើយប្រែក្លាយតំបន់អភិរក្ស ដែលមានផ្ទៃក្រឡាទំហំ២១៧ហិកតា ឱ្យទៅជាគោលដៅអេកូទេសចរណ៍នាពេលអនាគត ក៏ដូចជាជួយរួមចំណែកដល់ការនេសាទត្រីជាលក្ខណៈគ្រួសារគ្រប់រដូវកាលសំរាប់ប្រជាពលរដ្ឋនៅជុំវិញតំបន់នោះផងដែរ។ សេចក្តីព្រាងអនុក្រឹត្យ ស្តីពីការបង្កើតតំបន់គ្រប់គ្រង និងអភិរក្សដែនបំរុងសត្វក្រៀល និងសត្វស្លាបផ្សេងទៀតស្ថិតនៅទីតាំងអន្លង់ព្រីង ស្រុកកំពង់ត្រាច ខេត្តកំពត រួមមាន៤ជំពូក និង ៨មាត្រា។

៤-បញ្ហាផ្សេងៗ
-អង្គប្រជុំគណៈរដ្ឋមន្ត្រីបានសម្រេចបញ្ជូន «កិច្ចព្រមព្រៀងចំនួន៣ ក្រោមតំបន់ពាណិជ្ជកម្មសេរីអាស៊ាន-ឥណ្ឌា» ទៅសុំការផ្តល់សច្ចាប័នពីស្ថាប័ននីតិប្បញ្ញត្តិតាមនីតិវិធី។
-សម្តេចអគ្គមហាសេនាបតីតេជោ ហ៊ុន សែន បានវាយតម្លៃខ្ពស់ចំពោះការងារបង្កបង្កើនផលស្រូវរដូវវស្សាឆ្នាំ២០១០ ដែលសម្រេចបានលទ្ធផលល្អ បើទោះបីជាត្រូវជួបប្រទះនឹងគ្រោះធម្មជាតិជំនន់ទឹកភ្លៀងក៏ដោយ ដោយសម្តេចមានប្រសាសន៍បញ្ជាក់ថា ច្រូតស្រូវក្នុងទឹកប្រសើរជាងគ្មានស្រូវច្រូត។ សម្តេចតេជោនាយករដ្ឋមន្ត្រីបានណែនាំដល់អាជ្ញាធរមូលដ្ឋាន និងស្ថាប័នពាក់ព័ន្ធឲ្យបន្តចាត់វិធានការនានា ដើម្បីធានាឱ្យការប្រមូលផលស្រូវមានប្រសិទ្ធភាពខ្ពស់។
-សម្តេចតេជោនាយករដ្ឋមន្ត្រី បានផ្តល់អនុសាសន៍ដល់អាជ្ញាធរមានសមត្ថកិច្ចគ្រប់ស្ថាប័នត្រូវយកចិត្តទុកដាក់ក្នុងការរក្សាសន្តិសុខសុវត្ថិភាព និងរៀបចំសណ្តាប់ធ្នាប់ចរាចរណ៍ឱ្យបានល្អសំរាប់បំរើឱ្យអង្គប្រជុំអន្តរជាតិនានា ដែលប្រព្រឹត្តទៅនៅក្នុងព្រះរាជាណាចក្រកម្ពុជា និងដើម្បីបំរើសេចក្តីសប្បាយរីករាយជូនប្រជាពលរដ្ឋ និងភ្ញៀវទេសចរដែលមកចូលរួមក្នុងពិធីបុណ្យអុំទូក អកអំបុក និងសំពះព្រះខែ នៅពេលខាងមុខនេះ។ ជាពិសេសអាជ្ញាធររាជធានី-ខេត្តត្រូវយកចិត្តទុកដាក់ខ្ពស់ ចំពោះសន្តិសុខ សុវត្ថិភាពជូនដល់កីឡាករ កីឡាការិនីប្រណាំងទូកចាប់តាំងពីពេលចាកចេញរហូតដល់ការវិលត្រលប់ទៅដល់មូលដ្ឋានដើមវិញ៕

រដ្ឋាភិបាលយោធាភូមាដោះលែងអ្នកស្រីអ៊ួង សានស៊ូជី ហើយ

សុក្រ, 12 វិច្ឆិកា 2010 17:52

យោងតាមវេបសាយទស្សនាវដ្ដីឈ្មោះអ៊ីរ៉ាក់ ប៊ូឌី របស់ភូមាបានរាយការណ៍អះអាងតាមប្រ ភពអ្នកយកព័ត៌មានដែលកំពុងឃ្លាំយកព័ត៌មាននៅមុខផ្ទះអ្នកស្រី អ៊ួង សានស៊ូជី ជាមេដឹកនាំទាម ទារប្រជាធិបតេយ្យរបស់ភូមា នៅក្នុងទីក្រុងរ៉ង់ហ្កោនថា នាយឧត្តមសេនីយ៍ ប៉ាន់ ឈួយ មេដឹកនាំ កំពូលរបស់ភូមា បានចុះហត្ថលេខាបញ្ជាឲ្យដោះលែងអ្នកស្រីរួចទៅហើយក្នុងថ្ងៃនេះ។

ប្រភពបន្តឲ្យដឹងទៀតថា គណបក្សសន្និបាតជាតិ ដើម្បីប្រជាធិបតេយ្យ ឬហៅថា NLD ដែល ត្រូវបានគេរំលាយចោលទៅហើយនោះ បានប្រកាសអញ្ជើញអ្នកសារព័ត៌មានឲ្យចូលរួមស្ដាប់ការ ថ្លែងព័ត៌មានរបស់អ្នកស្រីអ៊ួង សានស៊ូជី នៅវេលាម៉ោង៥រសៀល ថ្ងៃទី១២ ខែវិច្ឆិកា ឆ្នាំ២០១០ តាមពេលវេលាតំបន់។ ខណៈខាងសមត្ថកិច្ចរបស់ភូមាបានរៀបចំផែនការរក្សាសន្តិសុខ ដល់អ្នកស្រី ដោយបានរៀបចំក្រុមកុម្ម៉ង់ដូពិសេស ដែលជាក្រុមធ្លាប់រក្សាសុវត្ថិភាពឲ្យអ្នកស្រីកន្លងមក។

ប្រភពព័ត៌មានឲ្យដឹងទៀតថា មានអ្នកសារព័ត៌មានច្រើនកកកុញបានឃ្លាំរង់ចាំនៅមុខផ្ទះរបស់អ្នកស្រីអ៊ួង សានស៊ូជី និងការិយាល័យរបស់ NLD ច្រើនកកកុញក្រៅពីនោះក៏មានលេចឮ ព័ត៌មានថា លោកគីម អារីស កូនប្រុសវ័យ៣៣ឆ្នាំរបស់អ្នកស្រី អ៊ួង សានស៊ូជី ក៏ទទួលបានវីហ្សាចូលភូមាវិញដែរ ដែលអាចធ្វើឲ្យកូនប្រុសម្នាក់នេះបានជួបមុខម្ដាយជាលើកដំបូងក្នុងអំឡុងជាង១០ឆ្នាំកន្លងមកនេះ។

ប្រភពបន្តទៀតថា ការដោះលែងខ្លួនអ្នកស្រីអ៊ួង សានស៊ូជី វាហាក់ដូចជាមានដំណើរការលឿនជាងអ្វីដែលគេបានប៉ាន់ស្មានទុកមួយថ្ងៃ ព្រោះកំណត់ទោសឃុំខ្លួនរយៈពេល១៨ខែរបស់ អ្នកស្រីក្នុងបទល្មើសនិងបទបញ្ជាឃុំឃាំងក្នុងបរិវេណ នឹងបញ្ចប់នៅថ្ងៃសៅរ៍ឯណោះ។ អ្នកស្រីត្រូវបានគេចាប់ខ្លួនតាំងពីខែឧសភា ឆ្នាំកន្លងទៅ ហើយត្រូវបានតុលាការកាត់ទោសដាក់ពន្ធនាគារ៣ឆ្នាំ កាលពីខែសីហា ក្នុងឆ្នាំតែមួយដោយយោងតាមករណីមានបុរសអាមេរិកាំងហែលទឹកទន្លេឆ្លងចូល ទៅផ្ទះរបស់អ្នកស្រី ហើយបានដេកនៅទីនោះមួយយប់ដោយអ្នកស្រីមិនបានអញ្ជើញ។ ក៏ប៉ុន្តែនាយ ឧត្ដមសេនីយ៍ តាន់ ឈួយ បានកាត់បន្ថយទោសឲ្យឃុំខ្លួននៅក្នុងផ្ទះរយៈពេល១៨ខែ។

សហការីនយោបាយដ៏ជិតស្និទ្ធម្នាក់ បាននិយាយកាលពីថ្ងៃពុធថា លោកស្រីអ៊ួងសាន ស៊ូជី នឹងជួយធ្វើឲ្យការស៊ើបអង្កេតចោទប្រកាន់ ស្ដីពីការលួចបន្លំសន្លឹកឆ្នោតនៅក្នុងការបោះឆ្នោត ប្រសិនបើនៅពេលដែលលោកស្រីត្រូវបានគេដោះលែងពីការឃុំខ្លួននៅក្នុងផ្ទះនៅសប្ដាហ៍នេះ។ គោលបំណងនេះ ត្រូវបានគេប្រកាសតែប៉ុន្មានម៉ោងប៉ុណ្ណោះ នៅមុនពេលចេញលទ្ធផលជាផ្លូវការ លើកដំបូងពីការបោះឆ្នោត នៅថ្ងៃអាទិត្យត្រូវបានចេញផ្សាយនោះ ហើយដែលបានបង្ហាញថា គណ បក្សយោធានិយមរបស់ប្រទេសបាននាំមុខឆ្ពោះទៅរកជ័យជំនះ ដែលគេបានរំពឹងទុកជាមុននៅក្នុង ការបោះឆ្នោតនេះ។

ពួកអ្នកសង្កេតការណ៍ឯករាជ្យ និងពួកមេដឹកនាំលោកខាងលិចរួមទាំងលោកប្រធានាធិបតី បារ៉ាក់ អូបាម៉ាផងនោះ បាននិយាយថា ការបោះឆ្នោតនៅលើកដំបូងក្នុងរយៈពេល២ទសវត្សរ៍ កន្លងមកនេះ គឺមិនប្រព្រឹត្តទៅដោយសេរីនិងយុត្តិធម៌នោះឡើយ៕

បំផ្លាញស្នាមមេដៃនិងហត្ថលេខានិយាយពីបញ្ហាពុករលួយ

សុក្រ, 12 វិច្ឆិកា 2010 18:22

ភ្នំពេញ ៖ ឯកសារសន្ធិសញ្ញាស្នាមមេដៃ និងហត្ថលេខាប្រមាណជាង១លាន ដែលត្រូវបាន ប្រមូលពីប្រជាពលរដ្ឋនាពេលកន្លងមក នឹងត្រូវរំលាយចោល បន្ទាប់ពីច្បាប់ប្រឆាំងអំពើពុករលួយ ត្រូវបានអនុម័ត។

កញ្ញា ឡុង បូរិន អ្នកសម្របសម្រួលសម្ព័ន្ធដើម្បីសុច្ចរិតភាព និងគណនីយភាពសង្គម បាន ប្រាប់កម្ពុជាថ្មីកាលពីរសៀលថ្ងៃទី១២ ខែវិច្ឆិកា ឆ្នាំ២០១០ ឲ្យដឹងថា ស្នាមមេដៃ និងហត្ថលេខាដែល អង្គការបានប្រមូលពីប្រជាពលរដ្ឋ ដើម្បីគាំទ្រ ឲ្យមានការអនុម័តច្បាប់ប្រឆាំងអំពើពុករលួយនាពេល កន្លងមកនោះ នឹងត្រូវបំផ្លាញចោល នៅព្រឹកថ្ងៃទី១៣ ខែវិច្ឆិកា ឆ្នាំ២០១០ វេលាម៉ោង៨និង៣០នាទី ព្រឹក នៅអគ្គលេខាធិការដ្ឋាន នៃសម្ព័ន្ធ ដើម្បីសុច្ចរិតភាព និងគណនេយ្យភាពសង្គម ដែលស្ថិតនៅ ផ្ទះលេខ ១៣១B ផ្លូវលេខ២៥៩ សង្កាត់ទឹកល្អក់១ ខណ្ឌទួលគោក រាជធានីភ្នំពេញ៕

រូបថតស្នាដៃកូនខ្មែរទទួលបានចំណាត់ថ្នាក់លេខ២ក្នុងមហោស្រពពិព័រណ៍រូបថតអាស៊ាន

ដោយ ៖ កោះឯករាជ្យ

ថ្ងៃ សុក្រ ទី ១២ ខែ វិច្ឆិកា ឆ្នាំ ២០១០

(រូបថត សារ៉ាយ)

រូបថតរបស់លោក ចាន់ សូរ

រាជធានីភ្នំពេញ ៖ ពិព័រណ៍រូបថតប្រទេសអាស៊ាន ដែលបានរៀបចំឡើងកាលពីថ្ងៃទី៣១ ខែតុលា ឆ្នាំ២០១០ នៅប្រទេសវៀតណាម មាន១០ប្រទេសចូលរួម ក្នុងនោះរូបថតជាស្នាដៃរបស់លោកចាន់ សូរ ទទួលបានចំណាត់ថ្នាក់លេខ២ ខណៈដែលរូបថតរបស់អ្នកថតរូបប្រទេសភូមា ទទួលបានចំណាត់ថ្នាក់លេខ១។ លោកចាន់ សូរ មានអាយុ៦០ឆ្នាំ ជាប្រធានការិយាល័យរៀបរៀង និងវិចិត្រកម្មនាយកដ្ឋានទស្សនាវដ្តីកម្ពុជា ក្រសួងព័ត៌មាន ។

លោកគឺជាអតីតអ្នកថតរូប ដែលមានជំនាញម្នាក់និងធ្លាប់ត្រូវបានទទួលស្គាល់និងគាំទ្រ ហើយស្នាដៃរូបថតរបស់លោកក៏ធ្លាប់យកទៅប្រកួតប្រជែងក្នុងពិព័រណ៍រូបថតអន្តរជាតិចំនួន៣លើករួចមកហើយដែរ នៅប្រទេសវៀតណាម និងឡាវ តែជាអកុសលទាំង៣លើកនោះ ស្នាដៃរបស់លោកមិនទទួលបានចំណាត់ថ្នាក់អ្វីឡើយ ។ លោកចាន់ សូរ មានប្រសាសន៍ថា ការជ្រើសរើសយករូបថតដែលជាស្នាដៃរបស់លោកទៅតាំងពិព័រណ៍លើកនេះ គឺជាការអបអរសាទរខួប១៧ឆ្នាំរបស់សមាគមអាស៊ាន ដែលរៀបចំធ្វើនៅទីក្រុងហាណូយ ប្រទេសវៀតណាម ។

ប៉ុន្តែអ្វីដែលជាការភ្ញាក់ផ្អើលនោះ គឺលោកមិនបានត្រៀមខ្លួនជាមុនដើម្បីសំរិតសំរាំង ក្នុងការថតរូបនោះទេ តែលោកបានយកហ្វីលរូបថតចាស់ៗដែលជាស្នាដៃរបស់លោកទៅផ្តិត ហើយយកទៅចូលរួមប្រកួតប្រជែងតែម្តង។ ព្រោះការទទួលព័ត៌មាននិងការសំរេចចិត្តរបស់ក្រសួងព័ត៌មាន ឱ្យលោកយករូបថតទៅចូលរួមក្នុងការតាំងពិព័រណ៍នោះមានរយៈពេលតែ២ថ្ងៃប៉ុណ្ណោះ។ យ៉ាងនេះក្តីស្នាដៃរូបថតរបស់លោកដែលភាគច្រើនជារូបភាពនៃប្រាង្គប្រាសាទបុរាណរបស់ខ្មែរ ពិសេសរូបភាពអង្គរវត្ត គឺទទួលបានការគាំទ្រយ៉ាងខ្លាំងតែម្តង រហូតមានការវាយតម្លៃក្នុងចំណាត់ថ្នាក់លេខ២ ដែលធ្វើឱ្យលោកមានក្តីរំភើប និងរីករាយយ៉ាងខ្លាំង ។

លោកចាន់ សូរ បានបន្តថា ថ្វីដ្បិតតែអ្វីដែលទទួលបានជាស្នាដៃរបស់លោកមែន តែក៏ជាមោទនភាពសំរាប់ប្រជាជាតិខ្មែរទាំងមូលផងដែរ ។ លោកមានជំនឿថា ស្នាដៃរបស់លោកនិងទទួលបានចំណាត់ថ្នាក់លេខ១ នាពេលខាងមុខមិនខាន ព្រោះលោកធ្លាប់មានជំនាញថតរូបនេះរយៈពេលជិត៣០ឆ្នាំហើយ និងមានបទពិសោធន៍ច្រើន ក្នុងការថតរូបដើម្បីចូលរួមក្នុងការតាំងពិព័រណ៍ និងការប្រកួតប្រជែងទាំងលក្ខណៈជាតិ និងអន្តរជាតិ ៕ ដកស្រង់ពី កោះសន្តីភាព

អតីតមេដឹកនាំតៃវ៉ាន់លោកចេន ស៊ូបៀន និងភរិយា ត្រូវតុលាការកំពូល កាត់ទោសដាក់គុក១៩ឆ្នាំគ្មានការប្តឹងឧទ្ធរណ៍

ដោយ ៖ កោះឯករាជ្យ

ថ្ងៃ សុក្រ ទី ១២ ខែ វិច្ឆិកា ឆ្នាំ ២០១០

រូបភាពពីវ៉េបសាយបរទេស

អតីតមេដឹកនាំតៃវ៉ាន់ លោកចេន ស៊ូបៀន

មន្ត្រីតុលាការនិយាយថា តុលាការកំពូលតៃវ៉ាន់ កាលពីល្ងាចថ្ងៃទី១១ វិច្ឆិកា បានសំរេចកាត់ទោសអតីតមេដឹកនាំលោកចេន ស៊ូបៀន និងភរិយារបស់លោកដាក់ពន្ធនាគាររយៈពេល១៩ឆ្នាំ ពីបទស៊ីសំណូក ។ ការសំរេចនោះរបស់តុលាការកំពូលតៃវ៉ាន់ បានបញ្ចប់ករណីដ៏ស្មុគស្មាញប្រឆាំងគ្រួសាររបស់លោកចេន ស៊ូបៀន មានន័យថា ទោសប្រឆាំងគ្រួសាររបស់លោកចេន ស៊ូបៀន អាចកើនឡើងថែមទៀតនៅពេលតុលាការសើរើឡើងវិញ នូវការចោទប្រកាន់ផ្សេងៗ ប្រឆាំងគ្រួសារលោក ។

កាលពីខែមិថុនា កន្លងមក តុលាការជាន់ខ្ពស់តៃវ៉ាន់ បានកាត់ទោស លោកចេន ស៊ូបៀន និងភរិយា ដាក់ពន្ធនាគាររយៈពេល២០ឆ្នាំ ។ ទោះបីជាបែបណា ការកាត់ទោសលោកចេន ស៊ូបៀន លើកចុងក្រោយនេះធ្វើឱ្យលោកចេន ស៊ូបៀន មិនអាចប្តឹងទៅសាលាឧទ្ធរណ៍បានទៀតឡើយ គឺលោក និងភរិយា ត្រូវតែជាប់ពន្ធនាគាររយៈពេល១៩ឆ្នាំ ដោយស្វ័យប្រវត្តិ ។

ទោះបីជាបែបណា លោកចេន ស៊ូបៀន ដែលត្រូវបានដាក់ពន្ធនាគាររយៈពេល២ឆ្នាំរង់ចាំការកាត់ទោសបានច្រានចោលការចោទប្រកាន់ទាំងនេះ ។ ការសំរេចរបស់តុលាការកំពូលកាលពីល្ងាចថ្ងៃទី១១ វិច្ឆិកា គ្របសណ្តប់លើករណីស៊ីសំណូករបស់លោកចេន ស៊ូបៀន ដែលទាក់ទងទៅនឹងគំរោងអភិវឌ្ឍន៍ដីធ្លី និងការតែងតាំងផ្នែកនយោបាយ ។ លោកចេន ស៊ូបៀន និងភរិយា របស់លោកឈ្មោះ Wu Su-Jen ប្រឈមមុខនឹងការចោទ ប្រកាន់ពីបទលាងលុយកខ្វក់ និងពីបទប្រើប្រាស់ថវិការដ្ឋមិនត្រឹមត្រូវ ៕ ដកស្រង់ពី កោះសន្តិភាព

យន្តហោះសង្កេតការណ៍កូរ៉េខាងត្បូងមួយគ្រឿងធ្លាក់នៅខាងត្បូងប្រទេស

ដោយ ៖ កោះឯករាជ្យ

ថ្ងៃ សុក្រ ទី ១២ ខែ វិច្ឆិកា ឆ្នាំ ២០១០

អាជ្ញាធរយោធាថ្លែងថា យន្តហោះស៊ើបការណ៍ធុន RF-4C មួយគ្រឿងរបស់កងទ័ពអាកាសកូរ៉េខាងត្បូងបានធ្លាក់កាលពីថ្ងៃទី១២ វិច្ឆិកា នាវេលាម៉ោង១១និង៥០នាទីនៅជិតទីក្រុង JEONJU ខេត្ត JEOLLA ភាគខាងត្បូងប្រទេស ។
ការតាមរុករកយន្តហោះស៊ើបការណ៍ធុន RF-4C នេះកំពុងធ្វើក្រោយពីវាបាត់ដានជិតទីក្រុង JEONJU ចំងាយប្រមាណជា២៤០គីឡូម៉ែត្រ ខាងត្បូងក្រុងសេអ៊ូល ពេលកំពុងហោះហើរបំពេញបេសកកម្មស៊ើបការណ៍ក្នុងកំពស់ទាប ។ អាជ្ញាធរយោធាថ្លែងថា ពុំមានព័ត៌មានលំអិតនានាបន្ថែមទៀតឡើយ សំរាប់ពេលនេះទាំងពីវាសនារបស់អ្នកបើកទាំង២រូប ៕

ភ្លៀងធ្លាក់ខ្លាំងជន់លិចអគាររដ្ឋសភាស្រីលង្កា

ដោយ ៖ សាម៉ន

ថ្ងៃ សុក្រ ទី ១២ ខែ វិច្ឆិកា ឆ្នាំ ២០១០

រូបថតបរទេស

ភ្លៀងធ្លាក់ជនលិចនៅស្រីលង្កា

លោកសាម៉ាល រាជប៉ាកសេ អ្នកនាំពាក្យរដ្ឋាភិបាលស្រីលង្កាបានប្រើទូកចូលទៅត្រួតពិនិត្យស្ថានភាពអគាររដ្ឋសភាដែលសង់នៅលើកោះកណ្តាលទន្លេ ហើយតំរូវឱ្យពន្យារពេលប្រជុំសភាកាលពីថ្ងៃទី១១ វិច្ឆិកា កន្លងមក។ មន្រី្តរូបនោះបញ្ជាក់ថា អគាររដ្ឋសភាមានទឹកលិចប្រហែល៤៣,៥សង្ទីម៉ែត្រដោយសារភ្លៀងធ្លាក់ពេញមួយយប់កាលពីថ្ងៃទី១០ វិច្ឆិកា និងជាបរិមាណកំពស់ទឹកខ្ពស់បំផុតក្នុងអំឡុងពេល១៨ឆ្នាំកន្លងទៅដែលធ្លាប់មានភ្លៀងធ្លាក់លិច៤៩,៧សង្ទីម៉ែត្រកាលពីឆ្នាំ១៩៩២។

អ្នកនាំពាក្យរដ្ឋាភិបាលប្រកាសថា មន្ត្រីដែលទទួលផលប៉ះពាល់ពីទឹកជំនន់នឹងបានទទួលប្រាក់ឈ្នួល ខណៈពេលឈប់សំរាកពីការងារ ៕ដកស្រង់ពីកោះសន្តិភាព

ជុំវិញការបង្កើត និងពង្រឹងសាលាក្តីខ្មែរក្រហមដើម្បីរកយុត្តិធម៌ពីប្រវត្តិសាស្ត្រ

ដោយ ៖ កោះឯករាជ្យ

ថ្ងៃ សុក្រ ទី ១២ ខែ វិច្ឆិកា ឆ្នាំ ២០១០

(រូបថត សហការី)

លោកឧបនាយករដ្ឋមន្ត្រីសុខ អាន ថ្លែងនៅសាលាក្តីខ្មែរក្រហមថ្ងៃទី២៧ តុលា ២០១០

នៅឆ្នាំ១៩៩៧ រាជរដ្ឋាភិបាលកម្ពុជាបានស្នើសុំការជួយឧបត្ថម្ភគាំទ្រពីអង្គការសហប្រជាជាតិដើម្បីស្វែងរកការទទួលខុសត្រូវចំពោះឧក្រិដ្ឋកម្មដ៏សាហាវយង់ឃ្នងដែលបានប្រព្រឹត្តឡើងនៅក្នុងប្រទេសកម្ពុជាពីឆ្នាំ១៩៧៥ដល់ឆ្នាំ១៩៧៩ ហើយដែលបទឧក្រិដ្ឋកម្មនេះមិនមានការទទួលខុសត្រូវជាយូរណាស់មកហើយ។ អង្គការសហប្រជាជាតិបានឆ្លើយតបជាវិជ្ជមានចំពោះសំណើនេះ ហើយដំណើរការដើម្បីបង្កើតសាលាក្តី ដែលជាដំណើរការដ៏មានសារសំខាន់មួយបញ្ជាក់ពីការបង្កើតបាននូវមូលដ្ឋានថ្មីៗសំរាប់ប្រព័ន្ធយុត្តិធម៌អន្តរជាតិក៏បានចាប់ផ្តើម និងសំរេចបានលទ្ធផលល្អដូចសព្វថ្ងៃនេះ ជាពិសេសក្រោមការគាំទ្រជាប់មិនដាច់ពីសំណាក់ឯកឧត្តមក្នុងរយៈពេលជិត៤ឆ្នាំដែលឯកឧត្តមត្រូវបានតែងតាំងជាថ្នាក់ដឹកនាំកំពូល។

អង្គជំនុំជំរះវិសាមញ្ញក្នុងតុលាការកម្ពុជាបានចាប់ផ្តើមដំណើរការងារនៅដើមឆ្នាំ២០០៦ ដោយនៅក្នុងឆ្នាំដំបូងបានផ្តោតលើបញ្ហានីតិវិធីនិងបញ្ហារៀបចំដំណើរការការងារមុនពេលចាប់ផ្តើមការងារលើសំណុំរឿងលើកដំបូងនៅពាក់កណ្តាលឆ្នាំ២០០៧។ ក្នុងរយៈពេល៣ឆ្នាំចាប់ពីពេលនោះមក អង្គជំនុំជំរះវិសាមញ្ញក្នុងតុលាការកម្ពុជាបានវិវឌ្ឍន៍ទៅមុខយ៉ាងល្អប្រសើរក្នុងការបំពេញការងាររបស់ខ្លួន។ ការជំនុំជំរះលើសំណុំរឿង០០១ ទទួលបាននូវការស្វាគមន៍យ៉ាងទូលំទូលាយពីមជ្ឈដ្ឋានជាតិ និងអន្តរជាតិ។ អង្គជំនុំជំរះសាលាដំបូងដែលរួមមានសមាសភាពចៅក្រមជាតិចំនួន៣រូប និងចៅក្រមអន្តរជាតិចំនួន២រូបបានរកឃើញថា កាំង ហ្គេកអ៊ាវ ហៅឌុច មានពិរុទ្ធភាពលើឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងនឹងមនុស្សជាតិ ហើយបានសំរេចដាក់ពន្ធនាគារចំនួន៣៥ឆ្នាំ។ ភាគីទាំងបីពោលគឺ ក្រុមមេធាវីការពារក្តី សហព្រះរាជអាជ្ញា និងដើមបណ្តឹងរដ្ឋប្បវេណី បានដាក់សេចក្តីជូនដំណឹងអំពីការដាក់បណ្តឹងសាទុកជូនទៅអង្គជំនុំជំរះតុលាការកំពូលដែលនឹងត្រូវសំរេចលើករណីនេះក្នុងរយៈពេលប៉ុន្មានខែខាងមុខនេះ។

តាមសំដីរបស់សមាជិកព្រឹទ្ធសភា ចន ខេរី បានលើកឡើងថា «ការកាត់ទោសឌុច គឺជាសមិទ្ធផលដ៏មានសារសំខាន់មួយសំរាប់ប្រទេសកម្ពុជា។ អង្គជំនុំជំរះវិសាមញ្ញក្នុងតុលាការកម្ពុជា បានបង្ហាញឱ្យយើងឃើញទាំងអស់គ្នាដោយគ្មានមន្ទិលសង្ស័យថា ស្ថាប័ននេះពិតជាមានលទ្ធភាពធ្វើការជំនុំជំរះលើរឿងក្តីធំៗដែលមានលក្ខណៈស្មុគស្មាញទៅតាមបទដ្ឋានអន្តរជាតិ។ លើសពីនេះអង្គជំនុំជំរះវិសាមញ្ញក្នុងតុលាការកម្ពុជាបានបង្ហាញអំពីសមត្ថភាពធនធានមនុស្សផ្នែកជាតិរបស់ខ្លូនដែលត្រូវបានអភិវឌ្ឍប្រកបដោយប្រសិទ្ធភាព។ ដូច្នេះយើងក៏ត្រូវចាប់យកឱកាសនេះ ហើយព្យាយាមច្របាច់ចំណេះដឹង និងជំនាញទាំងឡាយដាក់បញ្ចូលទៅក្នុងរចនាសម្ព័ន្ធតុលាការ និងប្រព័ន្ធគតិយុត្តជាតិនៅកម្ពុជាផងដែរ។

បទពិសោធន៍នៅក្នុងតុលាការផ្សេងៗទៀតនៅលើពិភពលោកទាក់ទងនឹងបទឧក្រិដ្ឋកម្មធំៗដែលមានលក្ខណៈស្រដៀងគ្នានេះដែលសហគមន៍អន្តរជាតិធ្លាប់បានចូលរួមបង្ហាញថា ចំណេះដឹង និងជំនាញនឹងត្រូវបានផ្ទេរទៅឱ្យប្រព័ន្ធយុត្តិធម៌ក្នុងប្រទេសកម្ពុជា និងប្រព័ន្ធយុត្តិធម៌អន្តរជាតិផងដែរ។ ដំណើរការជំនុំជំរះសំណុំរឿងបែបនេះគឺជារឿងងាយស្រួលណាស់ប៉ុន្តែប្រសិនបើគេចង់បន្សល់ទុកឱ្យមានកេរដំណែលដ៏ល្អសំរាប់ប្រព័ន្ធយុត្តិធម៌ទៅថ្ងៃក្រោយនោះ ការប្រព្រឹតិ្តទៅរបស់អង្គជំនុំជំរះគឺពិតជាត្រូវការពេលវេលា និងធនធានជាច្រើន។ នៅក្នុងប្រទេសកម្ពុជាយើងមានពាក្យស្លោកមួយពោលថា «ទូកទៅកំពង់នៅ»។ យើងត្រូវតែធានាឱ្យបានថា ប្រជាជនកម្ពុជាយល់ដឹងច្បាស់នូវអ្វីដែលបានកើតឡើងនៅក្នុងអង្គជំនុំជំរះនេះ ហើយពួកគាត់បាននិងកំពុងទទួលបានយុត្តិធម៌ និងទទួលបានអត្ថប្រយោជន៍បន្តទៅទៀតពីភាពប្រសើរឡើងនៃច្បាប់ និងប្រព័ន្ធយុត្តិធម៌របស់យើង។ តាំងពីដើមមកនេះគឺជាកម្មវត្ថុដ៏ជាក់លាក់មួយរបស់អង្គជំនុំជំរះដែលរួមចំណែកដោយរាជរដ្ឋាភិបាល និងអង្គការសហប្រជាជាតិ ហើយនេះគឺជាកត្តាសំខាន់បំផុតមួយនៃកេរដំណែលដ៏ពិតប្រាកដ និងយូរអង្វែងរបស់អង្គជំនុំជំរះ។

ទាំងនេះគឺជាផ្នែកមួយសំខាន់នៃកេរដំណែលដ៏ពិតប្រាកដ និងយូរអង្វែងដែលបន្សល់ទុកដោយអង្គជំនុំជំរះវិសាមញ្ញក្នុងតុលាការកម្ពុជា។ ទន្ទឹមនឹងការផ្ទេរចំណេះដឹង និងសមត្ថភាពអង្គជំនុំជំរះវិសាមញ្ញក្នុងតុលាការកម្ពុជាបាននិងកំពុងគិតគូរទៅដល់គំរោងរក្សាទុកកេរដំណែលផ្សេងៗទៀតដូចជាការសាងសង់ទីកន្លែងសុវត្ថិភាពមួយសំរាប់រក្សាទុកប័ណ្ណសាររបស់តុលាការ។ ប្រជាជនកម្ពុជា អ្នកស្រាវជ្រាវ និងអ្នកច្បាប់ជាតិ និងអន្តរជាតិ នឹងមានលទ្ធភាពប្រើប្រាស់ប័ណ្ណសារទាំងនេះតាមតំរូវការផ្សេងៗរបស់ខ្លួននៅមណ្ឌលថែរក្សានោះ។ ជាការពិតណាស់ កេរដំណែលដ៏ធំបំផុតក្នុងចំណោមកេរដំណែលទាំងអស់នោះ គឺការនាំមកនូវយុត្តិធម៌ដែលមនុស្សគ្រប់រូបកំពុងទន្ទឹងរង់ចាំយ៉ាងយូរមកហើយ និងការបង្កើតឱ្យមានការទទួលខុសត្រូវលើបទឧក្រិដ្ឋកម្មដែលត្រូវបានប្រព្រឹត្តឡើងនាពេលកន្លងទៅ។

ចំពោះសំណុំរឿង០០២ ដីកាដំណោះស្រាយបានចេញកាលពីខែមុន ហើយការជំនុំជំរះរំពឹងថា នឹងចាប់ផ្តើមក្នុងឆ្នាំក្រោយ។ សំណុំរឿង០០២ មានលក្ខណៈស្មុគស្មាញខ្លាំងជាងសំណុំរឿង០០១។ មេដឹកនាំជាន់ខ្ពស់ចំនួនបួនរូបនៅក្នុងរបបនោះដែលនៅមានជីវិតត្រូវបានចោទប្រកាន់ពីបទទាំងឡាយដែលគេអាចអះអាងថា ជាសំណុំរឿងដែលមានលក្ខណៈសំខាន់ជាងគេនៅក្នុងប្រវត្តិគតិយុត្តអន្តរជាតិ។ តាមរយៈសំណុំរឿងទាំងពីរនេះតុលាការអាចបង្កើតបាននូវកំណត់ត្រាជាប្រវត្តិសាស្ត្រ និងគណនេយ្យភាពផ្នែកគតិយុត្តរបស់មេដឹកនាំជាន់ខ្ពស់ និងអ្នកទទួលខុសត្រូវខ្ពស់បំផុតចំពោះទុក្ខវេទនា និងសេចក្តីឈឺចាប់របស់ប្រជាជនកម្ពុជាក្នុងរយៈពេល៣ឆ្នាំ ៨ខែ និង២០ថ្ងៃ។ យើងនឹងរង់ចាំទទួលការគាំទ្របន្តរបស់សហគមន៍អន្តរជាតិចំពោះការខិតខំប្រឹងប្រែងនេះដើម្បីស្វែងរកយុត្តិធម៌ជូនជនរងគ្រោះទាំងអស់នៃរបបខ្មែរក្រហមឱ្យបានជាស្ថាពរ។

គ្រប់មជ្ឈដ្ឋានទាំងអស់តែងតែលើកឡើងអំពីឯតទគ្គកម្មពិភពលោកទាំងប្រាំរបស់អង្គជំនុំជំរះវិសាមញ្ញក្នុងតុលាការកម្ពុជា ជាអាទិ៍ល្បឿននៃការអនុវត្តការងាររបស់ខ្លួនដោយរាប់បញ្ចូលទាំងការអនុម័តបទបញ្ជាផ្ទៃក្នុង និងដំណើរការជំនុំជំរះលើកដំបូង កំរិតចំណាយទាបជាងតុលាការផ្សេងៗដែលមានលក្ខណៈស្រដៀងគ្នា ចាប់ខ្លួនជនជាប់ចោទទាំងអស់ក្នុងរយៈពេលខ្លី ការចូលរួម និងការចាប់អារម្មណ៍ខ្ពស់ពីសាធារណជនទូទៅ និងការអនុញ្ញាតឱ្យជនរងគ្រោះចូលរួមជាដើមបណ្តឹងរដ្ឋប្បវេណីនៅក្នុងដំណើរការជំនុំជំរះនេះ។

នាពេលបច្ចុប្បន្នអង្គជំនុំជំរះវិសាមញ្ញក្នុងតុលាការកម្ពុជាត្រូវបានគេទទួលស្គាល់ជាអន្តរជាតិថា មិនត្រឹមតែជាតុលាការគំរូល្អមួយសំរាប់ប្រទេសកម្ពុជាប៉ុណ្ណោះទេ ហើយវាក៏ជាតុលាការគំរូល្អមួយសំរាប់តុលាការទាំងឡាយដែលអាចនឹងត្រូវបង្កើតឡើងនាពេលអនាគត ក្រោមការជួយឧបត្ថម្ភរបស់សហគមន៍អន្តរជាតិផងដែរ។ បញ្ហាប្រឈមខ្លាំងបំផុតនាពេលបច្ចុប្បន្នគឺត្រូវធ្វើយ៉ាងណាឱ្យអង្គជំនុំជំរះវិសាមញ្ញក្នុងតុលាការកម្ពុជាបំពេញការងារដែលនៅសេសសល់ឱ្យបានរលូន និងចប់សព្វគ្រប់ឱ្យបានទាន់ពេលវេលា និងមានប្រសិទ្ធភាពខ្ពស់។ ប្រសិនបើយើងទទួលបានជោគជ័យលើបញ្ហាប្រឈមទាំងនេះ នោះអង្គជំនុំជំរះវិសាមញ្ញក្នុងតុលាការកម្ពុជានឹងទទួលបានឯតទគ្គកម្មពិភពលោកទី៦បន្ថែមទៀត៕

ដកស្រង់សុន្ទរកថាលោកឧបនាយករដ្ឋមន្ត្រីសុខ អាន ថ្លែងនៅសាលាក្តីខ្មែរក្រហមថ្ងៃទី២៧ តុលា ២០១០៕ ដកស្រង់ពី កោះសន្តិភាព

បន្ទាប់ពីប្រកាសជូនរង្វាន់៣ពាន់ដុល្លារ ចាប់បានចោរអាកា៤នាក់ ប្លន់កក្រើក

ដោយ ៖ កោះឯករាជ្យ

ថ្ងៃ សុក្រ ទី ១២ ខែ វិច្ឆិកា ឆ្នាំ ២០១០

រាជធានីភ្នំពេញ ៖ ក្រុមចោរកាំភ្លើងអាកា ដែលធ្វើសកម្មភាពប្លន់យកទ្រព្យសម្បត្តិតាមផ្ទះប្រជាពលរដ្ឋយ៉ាងកក្រើកកន្លងមមក ត្រូវបានកំលាំងប៉ូលិសនៃអធិការដ្ឋានខណ្ឌដង្កោ ចាប់ខ្លួនបានជាបន្តបន្ទាប់៤នាក់ ព្រមទាំងដកហូតបានអាវុធអាកា២ដើម និងកំពុងបន្តស្វែងរកចាប់ខ្លួនបក្សពួកដែលនៅសេសសល់ជាបន្តទៀត ។

ការចាប់ខ្លួនជនសង្ស័យទាំង៤នាក់នោះបានធ្វើឡើងរយៈពេល២ថ្ងៃមកហើយ ចាប់តាំងពីថ្ងៃទី១១-១២ វិច្ឆិកា ២០១០ នៅកន្លែងផ្សេងៗពី គ្នាដូចជានៅខេត្តតាកែវ ព្រៃវែង និងក្នុងមូលដ្ឋានខណ្ឌដង្កោ រាជធានីភ្នំពេញ ។ ការចាប់ខ្លួននេះគឺបន្ទាប់ពីគណៈបញ្ជាការឯកភាពកោះប្រជុំពង្រឹងសន្តិសុខ និងប្រកាសរង្វាន់៣ពាន់ដុល្លារ សំរាប់អ្នករាយការណ៍មុខសញ្ញាចោរប្លន់អាកា ។

ជនសង្ស័យជាក្រុមចោរប្លន់ទាំង៤នាក់នោះ សមត្ថកិច្ចពុំទាន់បង្ហាញពីអត្តសញ្ញាណនៅឡើយទេ គ្រាន់តែបង្ហើបឱ្យដឹងថា ការចាប់ខ្លួននោះគឺចំមុខសញ្ញាចោរកាំភ្លើងអាកាដែលតែងតែធ្វើសកម្មភាពប្លន់ប្រជាពលរដ្ឋយកទ្រព្យសម្បត្តិនៅតាមផ្ទះនោះហើយ ៕

Thursday, November 11, 2010

សហរដ្ឋអាមេរិកបដិសេធការអំពាវនាវឱ្យលុបចោលទោសប្រហារជីវិត

(ប្រុសកោះ)

ថ្ងៃ ពុធ ទី ១០ ខែ វិច្ឆិកា ឆ្នាំ ២០១០

រូបភាព បរទេស

លោកអូបាម៉ា និងមេដឹកនាំឥណ្ឌូណេស៊ី

សហរដ្ឋអាមេរិកបានបដិសេធកាលពីថ្ងៃទី៩ វិច្ឆិកា ចំពោះការអំពាវនាវរបស់បណ្តាប្រទេសជាសមាជិកក្រុមប្រឹក្សាសិទ្ធិ មនុស្សអ.ស.ប ដែលស្នើដល់អាជ្ញាធរអាមេរិកឱ្យលុបចោលទោសប្រហារជីវិត ។
បណ្តាប្រទេសជាសមាជិកក្រុមប្រឹក្សានោះបានស្នើដល់ក្រុងវ៉ាស៊ីន តោនឱ្យលុបចោលទោសប្រហារជីវិតក្នុងក្របខណ្ឌនៃអនុសាសន៍មួយ ចំនួនស្តីពីសភាពការណ៍សិទ្ធិមនុស្សនៅសហរដ្ឋអាមេរិក ។ ប្រទេសដទៃៗទៀតបានស្នើដល់អាជ្ញាធរអាមេរិកឱ្យកាត់បន្ថយចំនួន អ្នកទោសដែលជាប់ឃុំឃាំងគរជើងគ្នាច្រើនក្នុងពន្ធនាគារផ្តល់ សច្ចាប័នលើសន្ធិសញ្ញាអន្តរជាតិទាំងឡាយស្តីពីសិទ្ធិនារី និងកុមារ និងចាត់វិធានការនានាបន្ថែមទៀត ដើម្បីតស៊ូប្រឆាំងការរីកសាយនៃការប្រកាន់ពូជសាសន៍ ។
ទីប្រឹក្សាច្បាប់របស់ក្រសួងការបរទេសអាមេរិកលោក HAROLD KOH បានបដិសេធការអំពាវនាវទាំងឡាយឱ្យលុបចោលទោសប្រហារជីវិតដោយ ពន្យល់ប្រាប់ក្រុមប្រឹក្សាសិទ្ធិមនុស្សមានមូលដ្ឋាននៅក្រុងហ្សឺណែវ ថា ទោសប្រហារជីវិតអនុញ្ញាតដោយច្បាប់អន្តរជាតិ ៕

នៅឥណ្ឌូណេស៊ី លោកអូបាម៉ា ការពារការបើកចំហចំពោះអ៊ិស្លាម

(ប្រុសកោះ)

ថ្ងៃ ពុធ ទី ១០ ខែ វិច្ឆិកា ឆ្នាំ ២០១០

រូបភាព បរទេស

លោកអូបាម៉ា និងសមភាគីឥណ្ឌូណេស៊ី

ប្រធានាធិបតីអាមេរិក លោកបារ៉ាក់ អូបាម៉ា ដែលទៅដល់ឥណ្ឌូណេសីុ កាលពីថ្ងៃទី៩ វិច្ឆិកា អះអាងជាថ្មីពីឆន្ទៈបើកចំហរបស់លោកចំពោះពិភពអ៊ិស្លាម ដោយលោកយល់ថា ផ្លូវនឹងនៅវែងឆ្ងាយតទៅទៀតមុនពេលឈានទៅដល់បណ្តាឆ្នាំនៃការ លុបចោលការមិនយល់គ្នា និងការមិនជឿទុកចិត្តគ្នា។
ក្នុងសន្និ សីទសារព័ត៌មានរួមមួយជាមួយប្រធានាធិបតីឥណ្ឌូណេស៊ី លោកស៊ូស៊ីឡូ បាមបង់យូដូយ៉ូណូ លោកអូបាម៉ាមានប្រសាសន៍ថា ខ្ញុំយល់ថា ការខិតខំប្រឹងប្រែងរបស់យើងត្រូវបានធ្វើ ហើយទទួលការគាំទ្រ។ យើងពុំអាចលុបបំបាត់ចោលទាំងស្រុងនូវការមិនយល់ចិត្តគ្នា និងការមិនជឿទុកចិត្តគ្នាដែលកើតមានចាប់តាំងពីយូរមកហើយនោះ បានឡើយ ក៏ប៉ុន្តែយើងយល់ថា យើងដើរលើផ្លូវដ៏ល្អហើយ។
លោកអូ បាម៉ាចាត់ទុកទំនាក់ទំនងជាមួយពិភពអ៊ិស្លាមថា ជាអាទិភាពមួយក្នុងចំណោមអាទិភាពខាងការទូតរបស់លោក ខណៈដែលអន្តរាគមន៍យោធានៅអ៊ីរ៉ាក់ និងនៅអាហ្វហ្គានីស្ថាន ការស្ទះនៃដំណើរការសន្តិភាពនៅមជ្ឈឹមបូព៌ា និងការតស៊ូប្រឆាំងអាល់កៃដាសុទ្ធតែជាប្រធានបទដ៏លំបាករយៈពេល ប៉ុន្មានឆ្នាំចុងក្រោយនេះសំរាប់ក្រុងវ៉ាសីុនតោន។ កាលពីខែមិថុនា ឆ្នាំ២០០៩ នៅទីក្រុងគែរ លោកអូបាម៉ា បានអំពាវនាវឱ្យមានការចេញដំណើរថ្មីមួយរវាងសហរដ្ឋអាមេរិក និងពួកអ៊ិស្លាមលើពិភពលោកទាំងមូលដោយឈរលើមូលដ្ឋាននៃផល ប្រយោជន៍ និងគោរពគ្នាទៅវិញទៅមក លើការជឿទុកចិត្តគ្នាក្នុងប្រការដែលអាមេរិក និងអ៊ិស្លាមពុំមានការប្រកួតប្រជែងគ្នា។
ចំពោះបញ្ហានៅមជ្ឈឹម បូព៌ា លោកបារ៉ាក់ អូបាម៉ា ទទួលស្គាល់ពីការលំបាកនានាក្នុងដំណើរការសន្តិភាព។ នៅក្រុងហ្សាការតា លោកមានប្រសាសន៍ថា ឧបសគ្គធំៗនៅតែមានក្នុងការស្វែងរកសន្តិភាពនៅមជ្ឈឹមបូព៌ា ។ ការទទួលស្គាល់នេះហាក់ដូចជាការសារភាពមួយអំពើបរាជ័យ ៕

នាយករដ្ឋមន្ត្រីវៀតណាមនឹងអញ្ជើញធ្វើទស្សនកិច្ចផ្លូវការនៅព្រះរាជាណាចក្រកម្ពុជា ថ្ងៃទី១៥ វិច្ឆិកា

នាយករដ្ឋមន្ត្រីវៀតណាម លោកង្វៀន តាន់យុង (NGUYEN TAN DUNG)

ដោយ ៖ កោះឯករាជ្យ

ថ្ងៃ ពុធ ទី ១០ ខែ វិច្ឆិកា ឆ្នាំ ២០១០

រូបភាពពីវ៉េបសាយបរទេស

នាយករដ្ឋមន្ត្រីវៀតណាម លោកង្វៀន តាន់យុង (NGUYEN TAN DUNG)

តាមការអញ្ជើញរបស់សម្តេចអគ្គមហាសេនា បតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា លោកង្វៀន តាន់យុង (NGUYEN TAN DUNG) នាយករដ្ឋមន្ត្រីនៃសាធារណរដ្ឋសង្គមនិយមវៀតណាម នឹងដឹកនាំគណៈប្រតិភូជាន់ខ្ពស់អញ្ជើញមកបំពេញទស្សនកិច្ចផ្លូវការ នៅព្រះរាជាណាចក្រកម្ពុជា នៅថ្ងៃទី១៥ វិច្ឆិកា ២០១០ ហើយបន្ទាប់មកនឹងចូលរួមកិច្ចប្រជុំកំពូល CLV លើកទី៦ និងកិច្ចប្រជុំកំពូល CLMV លើកទី៥ ពីថ្ងៃទី១៦ ដល់១៧ វិច្ឆិកា ២០១០។

លោកង្វៀន តាន់យុង នឹងចូលក្រាបបង្គំគាល់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។ ក្រៅពីនេះ លោកង្វៀន តាន់យុង នឹងអញ្ជើញចូលជួបសំដែងការគួរសមជាមួយសម្តេចអគ្គមហាធម្មពោធិសាល ជា ស៊ីម ប្រធានព្រឹទ្ធសភា សម្តេចអគ្គមហាពញាចក្រី ហេង សំរិន ប្រធានរដ្ឋសភា និងជួបពិភាក្សាការងារជាមួយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ផងដែរ។ ក្នុងអំឡុងពេលនៃទស្សនកិច្ចនេះ ភាគីទាំងពីរនឹងចុះហត្ថលេខាលើកិច្ចព្រមព្រៀងទូទាត់រវាង ធនាគារជាតិកម្ពុជា និងធនាគាររដ្ឋវៀតណាម៕

កើតហតុការណ៍អាថ៌កំបាំងនៅលើមហាសមុទ្រប៉ាស៊ីហ្វិក

ហេតុការណ៍អាថ៌កំបាំងនេះកើតឡើងនៅលើមហាសមុទ្រប៉ាស៊ីហ្វិក

ដោយ ៖ កោះឯករាជ្យ

ថ្ងៃ ពុធ ទី ១០ ខែ វិច្ឆិកា ឆ្នាំ ២០១០

ហេតុការណ៍អាថ៌កំបាំងនេះកើតឡើងនៅលើមហាសមុទ្រប៉ាស៊ីហ្វិក

មានហេតុការណ៍យ៉ាងអាថ៌កំបាំងមួយកើត ឡើងត្រង់ចំណុចមួយមានចំងាយ៣៥គីឡូម៉ែត្រ ពីឆ្នេរសមុទ្ររដ្ឋកាលីហ្វ័រនីញ៉ា នៃមហាសមុទ្រប៉ាស៊ីហ្វិក។ ហេតុការណ៍នេះហាក់ដូចជាការបាញ់គ្រាប់មីស៊ីលទៅលើអាកាស ប៉ុន្តែទោះបីជាបែបណា យោធាអាមេរិកបានសារភាពថា ពួកគេមិនអាចពន្យល់អំពីហេតុការណ៍នោះបានឡើយ ដែលមើលទៅហាក់ដូចជាការបាញ់គ្រាប់មីស៊ីលធុនធំមួយគ្រាប់អ៊ីចឹង។

ទាក់ទិននឹងហេតុការណ៍នេះ មន្ទីរប៉ង់តាហ្គោនបានទាក់ទងទៅកងទ័ពជើងទឹក កងកំលាំងទ័ពអាកាស និងទីភ្នាក់ងារការពារមីស៊ីល។ វត្ថុនោះត្រូវបានពិព័រណ៌នាដោយអតីតមន្ត្រីយោធាអាមេរិកថា ជា «របស់ធំមួយ» ដែលមានតាំងពីយូរមកហើយ។ ក្រោយពីមានកើតហេតុការណ៍នោះមក ការនិយាយពីមាត់មួយទៅមាត់មួយថា របស់នោះជាការបាញ់មីស៊ីលអន្តរទ្វីប ដើម្បីសំញែងកំលាំងយោធាចំពោះតំបន់អាស៊ី ហើយអ្នកខ្លះនិយាយថា ជាការបាញ់មីស៊ីលស្ថិតក្នុងផ្នែកមួយនៃកម្មវិធីបាញ់សាកល្បងមីស៊ីល ៕

Wednesday, November 10, 2010

លោកបារ៉ាក់ អូបាម៉ា ទៅកាន់ឥណ្ឌូណេស៊ី

ថ្ងៃ អង្គារ ទី ៩ ខែ វិច្ឆិកា ឆ្នាំ ២០១0

ប្រធានាធិបតីអាមេរិក លោកបារ៉ាក់ អូបាម៉ា បានចេញដំណើរកាលពីថ្ងៃទី៩ វិច្ឆិកា ទៅកាន់ទីក្រុងហ្សាការតា ជាមួយនឹងទិសដៅពង្រឹងទំនាក់ទំនងពាណិជ្ជកម្ម និងកិច្ចសហប្រតិបត្តិការខាងសន្តិសុខ រវាងសហរដ្ឋអាមេរិក និងឥណ្ឌូណេស៊ី ហើយលោកក៏នឹងថ្លែងសារថ្មីមួយទៀតចំពោះពិភពអ៊ិស្លាមផងដែរ ។ ទស្សនកិច្ចរបស់ប្រធានាធិបតីអាមេរិកក្នុងប្រទេសនោះជាកន្លែងកាលពី តូចលោកធ្លាប់រស់នៅអស់រយៈពេល៤ឆ្នាំ ត្រូវបានពន្យារពេល២លើកនាឆ្នាំនេះ គឺកាលពីខែមីនាម្តង មកពីលោកជាប់ដៃជំរុញឱ្យមានការអនុម័តលើការកែទំរង់ប្រព័ន្ធ សុខាភិបាលរបស់លោក និងបន្ទាប់មកក្នុងខែមិថុនា ពេលលោកជាប់ដៃក្នុងការប្រឈមមុខចំពោះបញ្ហាប្រេងអណ្តែតដ៏ធំជា ប្រវត្តិសាស្ត្រក្នុងឈូងសមុទ្រម៉ិចស៊ិក ។ លើកនេះទៀត ទស្សនកិច្ចរបស់លោកអូបាម៉ា នៅឥណ្ឌូណេស៊ី វីសត្រូវខកខានដោយសារភ្នំភ្លើង MERAPI ។
យោងតាមពួកអ្នកហែហម លោកថា ទស្សនកិច្ចរបស់លោកអូបាម៉ា នៅឥណ្ឌូណេស៊ីជាទស្សនកិច្ចមួយកាន់តែសំខាន់ទាំងដោយសារហេតុផល ផ្ទាល់ខ្លួន ទាំងដោយសារហេតុផលយុទ្ធសាស្ត្រ ។ ជាប្រទេសប្រជាធិបតេយ្យសមាជិករបស់ក្រុមប្រទេស G-20 និងជាប្រទេសអ៊ិស្លាមធំជាងគេលើពិភពលោក ឥណ្ឌូណេស៊ីជាសម្ព័ន្ធមិត្តមួយដែលកាន់តែមានទំងន់សំរាប់សហ រដ្ឋអាមេរិក ៕

សម្តេចតេជោជួបសន្ទនាលោកស្រីរដ្ឋមន្ត្រីក្រសួងការងារយុទ្ធជនពិការសង្គមកិច្ចវៀតណាម

លោកជំទាវ NGUYEN THI KIM NGAN បានគោរពជំរាបជូនសម្តេចតេជោនាយករដ្ឋមន្ត្រី

ដោយ ៖ កោះឯករាជ្យ

ថ្ងៃ អង្គារ ទី ៩ ខែ វិច្ឆិកា ឆ្នាំ ២០១0

រាជធានីភ្នំពេញ ៖ លោកអ៊ាង សុផល្លែត ជំនួយការសម្តេចអគ្គមហាសេនាបតីតេជោ ហ៊ុន សែន បានប្រាប់ឱ្យដឹងថា លោកជំទាវ NGUYEN THI KIM NGAN រដ្ឋមន្ត្រីក្រសួងការងារយុទ្ធជនពិការ សង្គមកិច្ចវៀតណាម បានគោរពជំរាបជូនសម្តេចតេជោនាយករដ្ឋមន្ត្រីថា ដំណើរទស្សនកិច្ចរបស់លោកជំទាវមកកាន់ព្រះរាជាណាចក្រកម្ពុជានៅ ពេលនេះ គឺដើម្បីជួបជាមួយក្រសួងការងារបណ្តុះបណ្តាលវិជ្ជាជីវៈ និងក្រសួងសង្គមកិច្ច អតីតយុទ្ធជន និងយុវតីតិសម្បទាកម្ពុជា ដើម្បីផ្លាស់ប្តូរបទពិសោធន៍ និងពង្រឹង ពង្រីកកិច្ចសហប្រតិបត្តិការរវាងក្រសួងការងារយុទ្ធជនពិការ សង្គមកិច្ចវៀតណាម និងក្រសួងទាំងពីររបស់កម្ពុជា។

លោកអ៊ាង សុផល្លែត បានប្រាប់ឱ្យដឹងបែបនេះ នាព្រឹកថ្ងៃទី៨ វិច្ឆិកា ឆ្នាំ២០១០ ក្នុងឱកាសដែលលោកជំទាវរដ្ឋមន្ត្រីក្រសួងការងារ យុទ្ធជនពិការ សង្គមកិច្ចវៀតណាមចូលជួបសំដែងការគួរសមជាមួយសម្តេចតេជោនាយក រដ្ឋមន្ត្រី ហ៊ុន សែន នៅអគារសន្តិភាពនៃទីស្តីការនាយករដ្ឋមន្ត្រី ខណៈពេលដែលគណៈប្រតិភូវៀតណាមអញ្ជើញមកបំពេញទស្សនកិច្ចនៅព្រះ រាជាណាចក្រកម្ពុជា។ លោកជំទាវរដ្ឋមន្ត្រីមានប្រសាសន៍ថា លោកជំទាវបានជួបប្រជុំកាលពីថ្ងៃទី៧ វិច្ឆិកា ជាមួយនឹងក្រសួងការងារបណ្តុះបណ្តាលវិជ្ជាជីវៈដោយបានពិភាក្សា គ្នាលើការពង្រឹង និងពង្រីកកិច្ចសហប្រតិបត្តិការក្នុងការបណ្តុះបណ្តាលធនធាន មនុស្ស។ តមកលោកជំទាវបានពិភាក្សាជាមួយនឹងក្រសួងសង្គមកិច្ចអតីតយុទ្ធជន និងយុវនីតិសម្បទា ដោយបានលើកឡើងពីការសហការគ្នាជំរុញលើវិស័យសុខុមាលភាព។

លោកជំទាវរដ្ឋមន្ត្រីបានសំដែងនូវការប្តេជ្ញា ចិត្ត ដោយធ្វើយ៉ាងណាសហការជាមួយភាគីកម្ពុជាឱ្យបានកាន់តែខ្លាំង ក្លាថែមទៀតក្នុងការបណ្តុះបណ្តាលវិជ្ជាជីវៈ ក៏ដូចជាការបណ្តុះបណ្តាលធនធានមនុស្សឱ្យមានការរីកចំរើនផងដែរ ។ជាការឆ្លើយតប សម្តេចតេជោនាយករដ្ឋមន្ត្រី ហ៊ុន សែន បានកោតសរសើរដល់ជោគជ័យនៃកិច្ចសហប្រតិបត្តិការរវាងក្រសួង ទាំងបី នៃប្រទេសទាំង២។ សម្តេចបានផ្តល់អនុសាសន៍ឱ្យក្រសួងពាក់ព័ន្ធនៃប្រទេសទាំង២ បន្តសហការគ្នាក្នុងការបណ្តុះបណ្តាលធនធានមនុស្ស ជាពិសេសទៅលើវិស័យកសិកម្ម។ កន្លងមក និស្សិតដែលបានរៀនចប់ហើយតែងតែផ្តោតការយកចិត្តទុកដាក់ទៅលើ ការងារផ្សេងៗ ក្រៅពីវិស័យកសិកម្ម ដូច្នេះគប្បីត្រូវយកចិត្តទុកដាក់លើវិស័យនេះ៕

Monday, November 8, 2010

ចាប់បានឃាតជនបាញ់សំលាប់ថៅកែហាងនំរដ្ឋាអង្គរជាតិទម្លាក់ចោលពីលើរថយន្តឡិចស៊ីស និងបក្សពួកច្រើននាក់

ដោយ ៖ កោះឯករាជ្យ

ថ្ងៃ អាទិត្យ ទី ៧ ខែ វិច្ឆិកា ឆ្នាំ ២០១០

រាជធានីភ្នំពេញ ៖ ថ្ងៃនេះទីបញ្ជាការប៉េអឹមលើផ្ទៃប្រទេស និងធ្វើសន្និសីទជុំវិញ ការវែកមុខក្រុមឃាតកដៃដល់សំលាប់ថៅកែហាងនំប៉័ងដែលបង្កឱ្យមាន ការភ្ញាក់ផ្អើលនៅកណ្តាលរាជធានីភ្នំពេញ កាលពី២១ថ្ងៃកន្លងមក។
តាម ព័ត៌មានជំហានដំបូងមិនទាន់ជាផ្លូវការនៅឡើយ ប៉ុន្តែអាចជាព័ត៌មានយកជាការបានខ្លះៗបានឱ្យដឹងថា កាលពីវេលាម៉ោង២រសៀលថ្ងៃទី៧ វិច្ឆិកា សមត្ថកិច្ចកងរាជអាវុធហត្ថលើផ្ទៃប្រទេសដឹកនាំដោយលោកឧត្តម សេនីយ៍ត្រី សៀ សម្បត្តិ ប្រធានការិយាល័យស្រាវជ្រាវបទ ល្មើសព្រហ្មទណ្ឌ លោកវរសេនីយ៍ឯក ពូ ដាវី មេបញ្ជាំការរងកងរាជអាវុធហត្ថរាជធានីភ្នំពេញ លោកវរសេនីយ៍ទោ សយ ចាន់ឌី មេបញ្ជាការកងរាជអាវុធហត្ថខណ្ឌ៧មករា និងមន្ត្រីជំនាញពាក់ព័ន្ធបាននាំយកជនសង្ស័យម្នាក់ដែលបាញ់ សំលាប់ថៅកែហាងនំប៉័ង ហើយរុញទំលាក់ពីរថយន្តនៅក្បែររបងក្រសួងការពារជាតិទៅធ្វើកាយ វិការអំពីសកម្មភាពមុន និងក្រោយពេលហេតុការណ៍បានកើតឡើង។

ជនសង្ស័យបាញ់សំឡាប់ថៅកែនំប័ុងមានឈ្មោះសន វឿន ភេទប្រុស អាយុប្រមាណ៣០ឆ្នាំ មុខរបរបើកភោជនីយដ្ឋានយីហោ Happy Day (ហាប់ភភីដេ) ស្ថិតនៅក្បែរវត្តទួលទំពូង សង្កាត់ទួលទំពូងទី១ ខណ្ឌចំការមន រាជធានីភ្នំពេញ។ មន្ត្រីសមត្ថកិច្ចកងរាជអាវុធហត្ថលើផ្ទៃប្រទេសរាជធានីភ្នំពេញ និងខណ្ឌ៧មករា ដែលបានដុតដៃដុតជើងសហការគ្នាបង្ក្រាបលើករណីបាញ់សំលាប់ថៅកែ នំប៉័ងនេះមានរយៈពេល២១ថ្ងៃ ឃាត់ខ្លួនជនសង្ស័យទាំងអស់ជាង១០នាក់ ប៉ុន្តែជនដៃដល់មានតែ៤នាក់ទេ គឺមានជនដៃដល់ផ្តល់អាវុធ និងម្ចាស់មធ្យោយបាយ។ នៅវេលាម៉ោង២១រសៀល ថ្ងៃទី៧ វិច្ឆិកា សមត្ថកិច្ចកងរាជអាវុធហត្ថបាននាំជនដៃដល់ឈ្មោះសន វឿន ទៅឱ្យធ្វើកាយវិការ (ធ្វើត្រាប់) បង្ហាញពីសកម្មភាព។ ជនសង្ស័យឈ្មោះសន វឿន ត្រូវបានដឹកតាមរថយន្តម៉ាកឡិចស៊ីស ៤៧០ ពណ៌ស្ករ ជារថយន្តរបស់ជនរងគ្រោះដែលប៉ូលិសទើបប្រគល់ឱ្យគ្រួសារសពមុននេះ បាននាំមកប្រើសំរាប់ការសំដែងឡើងវិញ។

ដោយបាននាំទៅកាន់កន្លែងលាងរថយន្តបុរីកីឡា កាច់ជ្រុកខាងកើត និងខាងជើងមុខផ្ទះលោកហុក ឡងឌី នៅសង្កាត់វាលវង់ ខណ្ឌ៧មករា។ ពេលទៅដល់កន្លែងលាងរថយន្តបុរីកីឡានោះ សន វឿន បានប្រាប់សមត្ថកិច្ចកងរាជអាវុធហត្ថថា ខ្លួន និងបក្សពួកម្នាក់ទៀតបានជិះរថយន្តកាមរីឆ្លាម ពណ៌ស អត់មានពាក់ស្លាកលេខ ទៅជួបឈ្មោះស៊ឹម រដ្ឋា (ជនរងគ្រោះ) ដែលកំពុងលាងរថយន្តឡិចស៊ីសនៅទីនោះ។ ពេលទៅដល់ឈ្មោះស៊ឹម រដ្ឋា បានលាងរថយន្តហើយ ឯខ្លួន (សន វឿន) បានឡើងបើករថយន្តឡិចស៊ីសនោះ ដោយឈ្មោះស៊ឹម រដ្ឋា ម្ចាស់រថយន្តអង្គុយអែបខាងស្តាំ ឯបក្សពួកគេម្នាក់ទៀតបានបើករថយន្តកាមរីឆ្លាម ពណ៌ស្លែ តាមពីក្រោយ។ ជនសង្ស័យនេះថា ខ្លួនមិនបាននិយាយអ្វីទាំងអស់ ពេលតំរូវឱ្យធ្វើកាយវិការឡើងវិញ ដោយគ្រាន់តែបានបញ្ជាក់ថា ជិះតាមផ្លូវមានការឈ្លោះប្រកែកគ្នារហូត ដែលជំលោះនោះមិនអាចធ្វើឱ្យឈ្មោះស៊ឹម រដ្ឋា ទ្រាំនៅក្នុងរថយន្តបន្តដំណើរបាន ពេលទៅដល់កាច់ជ្រុងដេអិន ឈ្មោះស៊ឹម រដ្ឋា សំរេចបើកទ្វាររថយន្តបំណងលោតចុះ ដើម្បីគេចឱ្យផុតពីការគំរាម។ ចំណុចនេះមិនទាន់ត្រូវបានទំលាយទេ តើចាំបាច់អ្វីម្ចាស់រថយន្តបើកទ្វាររត់គេច។ តាមការសារភាពខ្លះៗថា ខណៈឈ្មោះស៊ឹម រដ្ឋា បើកទ្វាររថយន្តបំរុងលោតចុះនោះ ជនសង្ស័យ (សន វឿន) បានដកកាំភ្លើងពីចង្កេះ ម៉ាកកា៥ បាញ់លើស៊ឹម រដ្ឋា ចំនួន៣គ្រាប់ ពេលនោះឃើញរដ្ឋា ធ្លាក់ចេញពីរថយន្ត ហើយជនសង្ស័យក៏បើករថយន្តគេចទៅទិសខាងកើត ហើយបក្សពួកម្នាក់ទៀតដែលជិះរថយន្តឆ្លាម បើកតាមពីក្រោយជាប់។

ជនដៃដល់បាននិយាយឱ្យដឹងខ្លះៗទៀតថា ការបាញ់សំលាប់ឈ្មោះស៊ឹម រដ្ឋា ថៅកែហាងនំបុ័ង៣កន្លែងនៅផ្សារចោមចៅ ជាអំពើប្លន់យករថយន្ត ដោយសាររូបគេចាញ់ល្បែងនៅកាស៊ីណូអស់១ម៉ឺនដុល្លារ ដែលប្រាក់នោះគឺខ្ចីគេទាំងអស់។ ប៉ុន្តែបំណងប្លន់យករថយន្តឈ្មោះស៊ឹម រដ្ឋា ថៅកែហាងលក់នំបុ័ង ត្រូវបានសមត្ថកិច្ចដេញប្រកិតប្រកៀកពីក្រោយ ទើបសំរេចចិត្តប្លុងរថយន្តជនរងគ្រោះចោល ហើយបានឡើងជិះរថយន្តកាមរីឆ្លាមគេចខ្លួនតែម្តងទៅ។ ពេលជិះរថយន្តឆ្លាមទៅដល់មុខច្រកចូលដេអិន បានឱ្យបក្សពួកគេម្នាក់រួមបន្តដំណើរទៅមុខទៀត ហើយយប់នេះក៏បែកគ្នាអស់ទោ ខ្លួនគេសន វឿន បានទៅជួលផ្ទះសំណាក់១ក្នុងរាជធានីភ្នំពេញ ស្នាក់បណ្តោះអាសន្ន លុះ បាន២ទៅ៣ថ្ងៃក្រោយមកខ្លួនបានយកអាវុធម៉ាកកា៥៩ ដែលជាអាវុធបាញ់ប្រហារជនរងគ្រោះទៅបោះចោលនៅទន្លេមុខវាំង មុខព្រះអង្គដងកើ ពេលយប់ស្ងាត់។ ក្នុងការនាំខ្លួនឱ្យចង្អុលកន្លែងបោះអាវុធចោល គេទៅបង្ហាញកន្លែងបោះអាវុធចូលទន្លេនោះផងដែរ។ ការនាំជនសង្ស័យទៅបង្ហាញកន្លែងបោះអាវុធនេះ លោកឧត្តមសេនីយ៍ត្រី សៀ សម្បត្តិ ប្រធានការិយាល័យស្រាវជ្រាវបទល្មើសព្រហ្មទណ្ឌកងរាជអាវុធហត្ថលើ ផ្ទៃប្រទេសមិនទាន់បានធ្វើការអត្ថាធិប្បាយលើករណីឃាត់ខ្លួនជន សង្ស័យបាញ់សម្លាប់ថៅកែហាងនំបុ័ងយីហោ រដ្ឋអង្គរជាតិ នៅឡើយទេ ដោយលោកឧត្តមសេនីយ៍ត្រីគ្រាន់តែអះអាងថា សមត្ថកិច្ចរបស់លោកដោយមានការដឹកនាំបញ្ជាផ្ទាល់ពីលោកនាយឧត្តម សេនីយ៍ ផ្កាយមាស៤ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ពិតជាបានបង្ក្រាបក្រុមឧក្រិដ្ឋបាញ់សម្លាប់ថៅកែហាងនំបុ័ងឈ្មោះ ស៊ឹម រដ្ឋា នោះមែន ហើយសមត្ថកិច្ចលោកនៅបន្តតាមចាប់ខ្លួនបក្សពួកដែលរួមគំនិតបន្ត ទៀត។

លោកឧត្តមសេនីយ៍ត្រីបន្តថា ពេលសមត្ថកិច្ចរបស់លោកធ្វើការការងារនេះចប់សព្វគ្រប់ និងមានធ្វើសន្និសីទកាសែតជាផ្លូវការអំពីសកម្មភាពពិស្តារលើករណី នេះ។ លោកឧត្តមសេនីយ៍ត្រី សៀ សម្បត្តិ បានអះអាងថា រឿងបាញ់សម្លាប់លោកស៊ឹម រដ្ឋា ទម្លាក់សពចោលនៅជាប់របងក្រសួងការពារជាតិកាលពីថ្ងៃទី១៥ តុលា នោះ ជាអំពើប្លន់ប្រដាប់អាវុធ។ ពេលនេះយើងចាប់បានជនសង្ស័យ ហើយជនសង្ស័យក៏បានសារភាពអស់ហើយដែរ។
បើទោះបីមានការអះអាងពី សមត្ថកិច្ចថា ករណីនេះជាអំពើសម្លាប់ប្លន់យករថយន្តមិនបានសំរេចក៏ដោយប្រភព ក្រៅផ្លូវការបាននិយាយថាសម្លាប់ជារឿងគំនុំបណ្តាលមកពីរឿងទំនាស់ ដីធ្លី។ ជនសង្ស័យឈ្មោះសន វឿន បានសារភាពថា កាលពី២ឆ្នាំមុនខ្លួនធ្លាប់បានបាញ់សម្លាប់មនុស្សម្នាក់ នៅអង្គស្នួលជាអ្នកភូមិជិតខាងគ្នា ក៏ជារឿងគំនុំផ្ទាល់ខ្លួនដែរ។ នៅរសៀលថ្ងៃទី៧ វិច្ឆិកា នេះសមត្ថកិច្ចកងរាជអាវុធហត្ថបានជួលអ្នកនេសាទជនជាតិចាមឱ្យ មុជទឹកទន្លេ ដើម្បីរកកាំភ្លើងដែលឈ្មោះសន វឿន យកទៅបោះចោល ប៉ុន្តែរកមិនឃើញទេ៕ ដកស្រង់ពីកាសែត កោះសន្តិភាព

Friday, November 5, 2010

ហៃទីរងគ្រោះក្នុងរញ្ជួយដី អាសន្នរោគ ឥឡូវកំពុងប្រឈមមុខនឹងព្យុះ

អ្នក ជំងឺជនជាតិហៃទីសម្រាកព្យាបាលនៅក្នុងមន្ទីរពេទ្យមួយកន្លែងក្នុង Petite Riviere ខណៈប្រទេសនេះកំពុងប្រឈមមុខនឹងព្យុះថូម៉ាស់។ រូបថត AFP

ប្រទេសហៃទី នៅថ្ងៃអង្គារ ទី២ វិច្ឆិកា បានត្រៀមខ្លួនដើម្បីជម្លៀសមនុស្សរាប់ម៉ឺននាក់ មុនការមកដល់នៃព្យុះត្រូពិចតូម៉ាស់ដែលអាចនឹងកើតមាននៅសប្តាហ៍ នេះ ខណៈដែលប្រទេសរងគ្រោះដោយសាររញ្ជួយដីនេះ បានតស៊ូដើម្បីងើបឲ្យផុតពីការផ្ទុះឡើងនូវជំងឺអាសន្នរោគ ដែលអាចបណ្តាលឲ្យមានមនុស្សស្លាប់រាប់រយនាក់។
ក្រុមអ្នក ព្យាករ បាននិយាយថា ព្យុះតូម៉ាស់ ដែលបានធ្លាក់មកនូវវិសម្ពាធមួយយប់ពីព្យុះសង្ឃរា ត្រូវបានគេរំពឹងថា នឹងបង្កើនល្បឿនឡើងវិញ ហើយនឹងមកដល់ប្រទេសហៃទីក្នុងរង្វង់រយៈពេល ៧២ម៉ោង អាចនឹងជាព្យុះសង្ឃរា ត្រឹមថ្ងៃនៅសុក្រ។
ល្បឿនខ្យល់ពោរ ពេញដោយកំហឹង ភ្លៀងដូចគេហែកមេឃ និងការរអិលបាក់ដីដោយសារតែព្យុះនេះ បានបង្កឲ្យមានគ្រោះថ្នាក់ខ្លាំងដល់មនុស្សរហូតដល់ ១,៣លាននាក់ ដែលរស់នៅក្នុងជំរំតង់ក្នុងទីក្រុងបណ្តោះអាសន្ន ដែលគេបានបោះបន្ទាប់ពីរញ្ជួយដីដ៏មហន្តរាយកាលពីខែមករា។
មន្រ្តី ការពារជនស៊ីវិលម្នាក់ បាននិយាយថា៖ «នៅទីក្រុងព័រអូប្រាំង យើងនឹងស្នើដល់មនុស្សគ្រប់ៗគ្នា ដែលរស់នៅក្នុងជំរំទាំងនេះ ឲ្យត្រៀមខ្លួនជម្លៀសចេញពីតង់ទាំងនេះ ដែលអាចនឹងរលំដោយសារតែខ្យល់ខ្លាំង»។
លោកប្រធានាធិបតី រ៉េណេ ប្រេវ៉ាល់ កាលពីថ្ងៃអង្គារ បានធ្វើដំណើរទៅភាគខាងត្បូងនៃប្រទេសនេះដើម្បីពិនិត្យមើលកិច្ច ប្រឹងប្រែងជួយសង្គ្រោះ និងការការពារជនស៊ីវិល។
សូមអានព័ត៌មានពិស្តារក្នុងកាសែតភ្នំពេញ ប៉ុស្តិ៍

ទឹកជំនន់វាយប្រហារម៉ាឡេស៊ី ពីរនាក់ស្លាប់ រាប់ពាន់ជម្លៀសចេញ

ប្រជាជន ម៉ាឡេស៊ី ជិះឡានចាកចេញពីទីក្រុងកាំងហ្គា រដ្ឋភែរលីស ភាគខាងជើងប្រទេសម៉ាឡេស៊ី ខណៈរដ្ឋនេះទទួលរងការវាយប្រហារពីទឹកជំនន់ដ៏គំហុក។ រូបថត AFP

យោងតាមសេចក្តីរាយការណ៍នៅថ្ងៃព្រហស្បតិ៍ បានឲ្យដឹងថា មនុស្សពីរនាក់ រួមទាំងស្ត្រីជនជាតិអាល្លឺម៉ង់ម្នាក់ផង បានស្លាប់ និងជាង ៤១ ០០០នាក់ បានគេចចេញពីទឹកជំនន់នៅភាគខាងជើងប្រទេសម៉ាឡេស៊ី។
ទឹកជំនន់ ដ៏គំហុក បានវាយប្រហារបណ្តារដ្ឋរបស់ប្រទេសម៉ាឡេស៊ី នៅតាមព្រំដែនជាប់ជាមួយប្រទេសថៃ ដែលក៏ទទួលរងផលប៉ះពាល់យ៉ាងធ្ងន់ធ្ងរផងដែរ។
ព្រលានយន្ត ហោះ និងផ្លូវហាយវ៉ៃដ៏សំខាន់មួយ ត្រូវបានគេបិទទ្វារ ហើយសេវាកម្មរថភ្លើង និងការផ្គត់ផ្គង់ទឹក ក៏ត្រូវបានកាត់ផ្តាច់ផងដែរដោយសារតែទឹកជំនន់ដ៏អាក្រក់បំផុត នៅក្នុងរយៈ ៥ឆ្នាំមកនេះ នៅក្នុងប្រទេសម៉ាឡេស៊ី។
ប៉ូលិសនៅ ក្នុងរដ្ឋកេដាហ៍ បាននិយាយថា សាកសពស្ត្រីជនជាតិអាល្លឺម៉ង់អាយុ ៦៤ឆ្នាំ ឈ្មោះ Erna Fisher ដែលបានបាត់ខ្លួនកាលពីម្សិលមិញ ត្រូវបានគេរកឃើញនៅជិតផ្ទះរបស់គាត់ នេះដោយយោងតាមទីភ្នាក់ងារព័ត៌មានជាតិប៊ែរណាម៉ា។
កាសែត New Straits Times បាននិយាយថា មនុស្សជាង ៤១ ០០០នាក់ ឥឡូវនេះ ត្រូវបានគេនាំទៅកាន់មជ្ឈមណ្ឌលសង្គ្រោះ ដើម្បីគេចចេញពីទឹកជំនន់ នៅរដ្ឋភែរលីស កេដាហ៍ និងកេឡានតាន់៕ ប្រែសម្រួល ឌិត សុខធី

កម្ពុជា ត្រៀមខ្លួនទាញយករ៉ែទង់ដែង១៣លានតោននៅក្នុងខេត្តសៀមរាប

នំពេញៈ លោករដ្ឋមន្ត្រីក្រសួងពាណិជ្ជកម្មកម្ពុជា បានឲ្យដឹងថា កម្ពុជាកំពុងរៀបចំផ្តល់អាជ្ញាប័ណ្ណរុករករ៉ែទង់ដែងចំនួន ១៣លានតោន នៅខេត្តសៀមរាប ក្នុងតំបន់អភិរក្សប្រវត្តិសាស្ត្រកម្ពុជា។
ក្នុងអំឡុងពេលថ្លែង សុន្ទរកថាទៅកាន់គណៈប្រតិភូចំនួន ៣៣រូបមកពីសភាពាណិជ្ជកម្ម និងឧស្សាហកម្មសិង្ហបុរី ចិន នៅឯសណ្ឋាគារឡឺរ៉ូយ៉ាល់ ក្នុងរាជធានីភ្នំពេញកាលពីថ្ងៃម្សិលមិញលោកចម ប្រសិទ្ធ រដ្ឋមន្ត្រីក្រសួងពាណិជ្ជកម្មបានឲ្យដឹងថា ការសម្រេចអនុញ្ញាតឲ្យរុករករ៉ែនៅតំបន់នោះគ្រោងធ្វើនៅសប្តាហ៍ ក្រោយបន្ទាប់ពីមានការប្រកាសអំពីប្រភពធនធានរ៉ែដ៏ច្រើននៅតំបន់ នោះ។
លោក មានប្រសាសន៍ថា ៖«នៅខេត្តព្រះវិហារ មានធនធានរ៉ែដែកជាច្រើន និង នៅសៀមរាប មានធនធានរ៉ែទង់ដែងជាច្រើន។ ធនធានទាំងនេះ មានចំនួនច្រើនជាងធនធាននៅប្រទេសឡាវ ៣ដងឯណោះ ពោលគឺ ១៣លានតោន ក្នុងរយៈពេល ៥០ឆ្នាំទៅមុខទៀត»។
លោកបានសង្កត់ធ្ងន់ថា បញ្ហាតែមួយគត់ គឺធនធានទាំងនោះ ស្ថិតនៅតំបន់ប្រវត្តិសាស្ត្រដែលត្រូវអភិរក្ស ហើយតំបន់មួយចំនួនទៀត មានអាយុប្រហេល ១ពាន់ឆ្នាំហើយៗអាចនឹងទទួលរងផលប៉ះពាល់ដោយសារការរុករករ៉ែ។

គេយក លី ស៊ាវឡុង បិទលើសំបកទំនិញព្រាត គ្មានការអនុញ្ញាត

រូប សំណាក់តារាសម្តែងភាពយន្តហុងកុង ប្រ៊ូស លី ត្រូវបានគេដាក់តាំងនៅលើដងផ្លូវ Avenue of Stars ក្នុងទីក្រុងហុងកុង ហើយថ្មីៗនេះ នៅប្រទេសចិនដីគោក រូបថត និងឈ្មោះរបស់តារាសម្តែងរូបនេះ ត្រូវបានប្រើប្រាស់នៅលើផលិតផលព្រោងព្រាត។ រូបថត Bloomberg

យោងតាមប្រព័ន្ធផ្សព្វផ្សាយរដ្ឋ បាននិយាយនៅថ្ងៃពុធ ទី០៣ វិច្ឆិកាថា ក្រុមហ៊ុនភាពយន្តចិន និងជនជាតិចិន កំពុងតែប្រើប្រាស់ឈ្មោះ និងរូបថតអតីតតារាសម្តែងក្បាច់គុនដ៏ល្បីល្បាញ លោក ប្រ៊ូស លី ដោយពុំមានសិទ្ធិអនុញ្ញាតពីក្រុមគ្រួសាររបស់តារាសម្តែងរូបនេះ ភ្ជាប់នៅលើវត្ថុគ្រប់យ៉ាងចាប់តាំងពីកញ្ចប់មី រហូតដល់ច្រាស់ដុសធ្មេញ។
កាសែតរដ្ឋចិន បានរាយការណ៍ថា ក្រុមមួយដែលត្រូវបានបង្កើតឡើងដោយ Sharon កូនស្រីរបស់តារាសម្តែងក្បាច់គុនរូបនេះ បានធ្វើការស្រាវជ្រាវ និងស៊ើបអង្កេតនៅទូទាំងប្រទេសពីការប្រើប្រាស់ឈ្មោះ លី ស៊ាវឡុង ឈ្មោះជាភាសាចិនរបស់លោក ប្រ៊ូស លី ធ្វើជាពាណិជ្ជសញ្ញានៅលើផលិតផលជាច្រើន។
នាង Sharon ត្រូវបានគេដកស្រង់សម្តីដែលបានថ្លែងថា ក្រុមហ៊ុនចិននានា និងបុគ្គលផ្ទាល់ខ្លួន ក៏បានប្រើប្រាស់ផងដែរនូវរូបថតតារាសម្តែង «Enter the Dragon» ដែលបានទទួលមរណភាពដោយសារស្ទះឈាមក្នុងខួរក្បាល នៅពេលអាជីពរបស់គាត់បានឡើងដល់កំពូលនៅឆ្នាំ១៩៧៣ ក្នុងអាយុ ៣២ឆ្នាំ។
សេចក្តីរាយការណ៍មួយនៅក្នុងកាសែត Southern Daily បាននិយាយថា នាង Sharon បានជួបពិភាក្សាជាមួយក្រុមមន្ត្រីនៅក្នុងទីក្រុងស៊ុនដេ ក្នុងខេត្តក្វាងទុង ភាគខាងត្បូងប្រទេសចិន ជាទីកន្លែងកំណើតនៃបុព្វបុរសកំពូលតារាសម្បែងក្បាច់គុន ប្រ៊ូស លី។
ទីក្រុងនេះ បានសាងទុកនូវសួនអនុស្សាវរីយ៍ដ៏ធំមួយ ហៅថា «ឋានសួគ៌លី ស៊ាវឡុង» ដើម្បីឧទ្ទិសដល់វីរភាព ជីវិតរស់នៅ និងអាជីពសម្តែងរបស់លោក លី ស៊ាវឡុង ។
សេចក្តីរាយការណ៍ បាននិយាយបន្តថា កូនស្រីរបស់លោក លី កំពុងតែស្វែងរកជំនួយពីរដ្ឋាភិបាលក្នុងតំបន់ ឲ្យប្រគល់ត្រឡប់មកឲ្យក្រុមគ្រួសារ និងមូលនិធិលោក ប្រ៊ូស លី វិញ នូវពាណិជ្ជសញ្ញាគ្មានការអនុញ្ញាតនោះ ដើម្បីថែរក្សាភាពស្របច្បាប់របស់អតីតតារាសម្តែងហុងកុងរូបនេះ។ ការអំពាវនាវរបស់កូនស្រីលោក លី ទៅដល់រដ្ឋាភិបាលក្នុងទីក្រុងស៊ុនដេ និងអាជ្ញាធរសុវត្ថិភាពទីផ្សារ មិនបានទទួលការឆ្លើយតបទេនៅថ្ងៃពុធ ទី០៣ វិច្ឆិកា។
យោងតាម កាសែត China Daily បានឲ្យដឹងថា រដ្ឋបាលចិនសម្រាប់ឧស្សាហកម្ម និងពាណិជ្ជកម្ម ដែលទទួលបន្ទុកការពារពាណិជ្ជសញ្ញា ថ្មីៗនេះ បានបញ្ជាក់យ៉ាងច្បាស់ថា ឈ្មោះរបស់អតីតតារាសម្តែងក្បាច់គុន ទាំងភាសាចិន និងភាសាអង់គ្លេស គឺជាកម្មសិទ្ធិរបស់ទាយាទលោក លី។
កាសែត China Daily បាននិយាយបន្តថា ទីភ្នាក់ងាររដ្ឋដដែលនេះ បានបញ្ជាថា ការដាក់ពាក្យស្នើសុំដទៃទៀតដើម្បីប្រើប្រាស់ឈ្មោះលោក លី ដែលបច្ចុប្បន្នកំពុងត្រូវបានដំណើរការ នឹងត្រូវបានគេច្រានចោល។
ច្បាប់ កម្មសិទ្ធិបញ្ញា មិនត្រូវបានគេគោរពឡើយនៅក្នុងប្រទេសចិន ដែលជាប្រទេសមានទីផ្សារលួចចម្លង និងក្លែងបន្លំធំបំផុតនៅលើពិភពលោក។
ក្រុមប្រឹក្សារដ្ឋរបស់ ប្រទេសចិន ឬគណៈរដ្ឋមន្ត្រី បានប្រកាសកាលពីខែមុនថា ខ្លួននឹងចាប់ផ្តើមនូវការបង្រ្កាបរយៈពេល ៦ខែមួយ ទៅលើការបទឧក្រិដ្ឋលួចចម្លងកម្មសិទ្ធិបញ្ញា ដែលចិននិយាយថា វាបានរំខានដល់សណ្តាប់ទូទៅរបស់ទីផ្សារ…និងធ្វើឲ្យគេឈ្មោះ ប្រទេសចិនអាក្រក់នៅឯបរទេស៕ ប្រែសម្រួល ឌិត សុខធី

មាស អាចឡើងថ្លៃដោយសារតម្លៃប្រាក់ដុល្លារធ្លាក់ចុះ

មាសអាចនឹងបន្តឡើងថ្លៃបន្តទៀតបន្ទាប់ពីធ្លាក់ចុះបន្តិច ខណៈការចុះថ្លៃប្រាក់ដុល្លារ ហើយប្រាក់ក៏មានតម្លៃជិតដល់កម្រិតខ្ពស់ក្នុងរយៈពេល៣០ឆ្នាំនេះមក ដែរ។
មាសសម្រាប់ចែកចាយភ្លាមៗ ដែលឡើងដល់កម្រិតខ្ពស់បំផុតគឺ ១ ៣៨៧,៣៥ដុល្លារក្នុងមួយអោន(៨,៣ជី) កាលពីថ្ងៃទី១៤ ខែតុលា បានធ្លាក់ចុះ ១,៣៥ដុល្លារ នៅត្រឹម ១ ៣៥២,៥០ដុល្លារនៅប្រទេសសិង្ហបុរីកាលពីថ្ងៃអង្គារ ។ ប្រាក់សម្រាប់ចែកចាយភ្លាម បានកើនឡើង ០,៥ភាគរយ ដល់ជាង ២៤ ដុល្លារក្នុងមួយអោន បន្ទាប់ពីកើនឡើងដល់ជាង ២៥ដុល្លារជាលើកទីមួយចាប់ទាំងពីឆ្នាំ១៩៨០។
សន្ទស្សន៍ប្រាក់ ដុល្លារ ធៀបនឹងរូបិយប័ណ្ណចំនួន៦ បានធ្លាក់ចុះ ០,២ភាគរយ ដោយសារការរំពឹងទុកថា នៅថ្ងៃនេះ ធនាគារកណ្តាលនឹងប្រកាសវិធានការបន្ថែម ដើម្បីជំរុញកំណើនសេដ្ឋកិច្ច និងបង្កើនអត្រាអតិផរណា។ យោងតាមទីភ្នាក់ងារ Bloomberg បានឲ្យដឹងកាលពីសប្តាហ៍មុនថា ធនាកណ្តាល នឹងបង្ហាញផែនការទិញមូលបត្ររយៈពេលវែងយ៉ាងហោចណាស់ក្នុងតម្លៃ ទឹកប្រាក់ ៥០០ពាន់លានដុល្លារ។
សូមអានព័ត៌មានពិស្តារក្នុងកាសែតភ្នំពេញ ប៉ុស្តិ៍

កម្ពុជា-អាមេរិកនឹងសិក្សារួមគ្នាដើម្បីលុបបំណុលកខ្វក់ហ៊ីឡារីថាខ្មែរមានហេតុផលធ្វើទំនាក់ទំនងល្អជាមួយចិន

ភ្នំពេញៈ លោកស្រី ហ៊ីឡារី គ្លីនតុន រដ្ឋមន្រ្តីការបរទេសសហរដ្ឋអាមេរិក បានមានប្រសាសន៍ថា សហរដ្ឋអាមេរិកនឹងបញ្ចូន«ក្រុមអ្នកជំនាញ»មកដោះស្រាយបញ្ហាបំណុល ដ៏យូរអង្វែងរបស់ព្រះរាជាណាចក្រកម្ពុជា ដែលបានជំពាក់នៅក្នុងសម័យ លន់ នល់ ក្នុងខណៈពេលដែលលោកស្រីបានបញ្ចប់ដំណើរទស្សនកិច្ចរយៈពេល ២ ថ្ងៃមកកម្ពុជា កាលពីថ្ងៃម្សិលមិញ។
ក្រោយពីជំនួបកាលពីថ្ងៃ ម្សិលមិញជាមួយនឹងលោក ហោ ណាំហុង រដ្ឋមន្រ្តីការបរទេស អ្នកការទូតកំពូលរបស់សហរដ្ឋអាមេរិករូបនេះបានថ្លែងថា បញ្ហាបំណុលត្រូវការ«ការយកចិត្តទុកដាក់ភ្លាមៗ» និងថា លោកស្រីនឹងដាក់បញ្ហានេះ«ឡើងលើលំដាប់អាទិភាព»ដល់រដ្ឋា ភិបាលអាមេរិក។
លោកស្រី គ្លីនតុន បានបញ្ជាក់ថា ៖«ពុំមានកិច្ចពិភាក្សាអ្វីទាល់តែសោះ ចាប់តាំងពីឆ្នាំ ២០០៦ មក ហើយយើងគិតថា វាដល់ពេលវេលាសម្រាប់អ្នកជំនាញរបស់យើងជួបនិងរុករកចំណុចជា សក្តា នុពល ដើម្បីដោះស្រាយបំណុលនេះ។ វាជាបញ្ហាមួយដែលមិនទាន់បានដោះស្រាយ ហើយខ្ញុំចង់ឃើញថា យើងចាត់ទុកវាជាអាទិភាព ហើយលោក (ហោ ណាំហុង) បានឯកភាព ដូច្នេះ យើងនឹងចាប់ផ្តើមធ្វើការលើបញ្ហានោះរួមគ្នា»។ ដកស្រង់ពី ភ្នំពេញប៉ុស្តិ