សហរដ្ឋអាេមរិកកាលពីថ្ងៃទី២៥ តុលា បានសំដែងការព្រួយបារម្ភយ៉ាងខ្លាំងចំពោះឥទ្ធិពលជាអវិជ្ជ មានរបស់អុីរ៉ង់លើអាហ្វហ្គានីស្ថាន ក្រោយពីប្រធានាធិបតីអាហ្វហ្គានីស្ថាន លោកហាមីដ កាហ្សៃ បានសារភាពពីការទទួលប្រាក់ពីក្រុងតេហេរ៉ង់ ។ ទាក់ទិនទៅនឹងករណីនេះអ្នកនាំពាក្យសេតវិមាន លោក Bill Burtan បានទទូចសុំឱ្យអ៊ីរ៉ង់ដើរេតួជាវិជ្ជមានថែមទៀត ។ លោកប្រធានាធិបតីអាហ្វហ្គានីស្ថានហាមីដ កាហ្សៃ បានថ្លែងបដិសេធថា រូបលោកមិនបានធ្វើអ្វីខុសឡើយ ដោយលោកថ្លែងថា ប្រាក់ដែលលោកទទួលបាននោះជាផ្នែកមួយនៃដំណើរការតម្លាភាព ដើម្បីជួយលើការគ្រប់គ្រងការិយាល័យប្រធានាធិបតី ។ លោកកាហ្សៃ ថ្លែងដូច្នេះ ដើម្បីឆ្លើយតបចំពោះរបាយការណ៍ដែលថា អ៊ីរ៉ង់បានផ្តល់ប្រាក់ទៅឱ្យលោកតាមរយៈជំនួយការរបស់លោកម្នាក់ ។
អ្នក នាំពាក្យសេតវិមានថ្លែងបន្ថែមទៀតថា រដ្ឋការរបស់លោកប្រធានាធិបតីបារ៉ាក់ អូបាម៉ា បានឃើញរបាយការន៍ស្តីអំពីការផ្តល់ប្រាក់របស់អ៊ីរ៉ង់ទៅឱ្យអាហ្វ ហ្គានីស្ថាន ប៉ុន្តែបានបដិសេធមិនផ្តល់ព័ត៌មានលំអិតទេ ។ លោក Bill Burton បានធ្វើអត្ថាធិប្បាយដូច្នេះប៉ុន្មានម៉ោងក្រោយពីលោកកាហ្សៃសារ ភាពថា សេនាធិការរបស់លោកគឺលោក Umar Daudzai ទទួលបានប្រាក់នោះ ៕
No comments:
Post a Comment