អាជ្ញាធរឥណ្ឌូណេស៊ីកាលពីថ្ងៃទី២៥តុលា បានចេញការប្រកាសអាសន្ននៅជុំវិញភ្នំភ្លើង MEREPI ដែលអាចផ្ទុះគ្រប់ពេល ហើយបានជំលៀសអ្នកភូមិជាច្រើនពាន់នាក់ដែលរស់នៅតាមចង្កេះភ្នំភ្លើង នេះ ។ សកម្មភាពរបស់ភ្នំភ្លើង MERAPI នៅលើកោះជ្វា បានបង្កើនកាលពីសបា្តហ៍មុនជំរុញឱ្យអាជ្ញាធរបង្កើនកំរិតប្រកាស អាសន្ន ។ ការផ្ទុះលើកមុនរបស់ភ្នំភ្លើងនេះដែលមានកំពស់២.៩៦៨ម៉ែត្រកើតមាន កាលពីឆ្នាំ២០០៦ បណ្តាលឱ្យមនុស្ស២នាក់ស្លាប់ដោយសារឧស្ម័នឆេះនិងដុំថ្មក្តៅ ។ បណ្តាអ្នកទទួលខុសត្រូវឥណ្ឌូណេស៊ីព្យាករណ៍ថា ប្រសិនបើផ្ទុះ ភ្នំភ្លើងនេះនឹងបញ្ចេញកំអែហូរធ្លាក់មកចង្កេះភ្នំប៉ែកខាងឆ្វេង ។ មនុស្សប្រមាណជា១១.៤០០នាក់ដែស់រស់នៅតាមចង្កេះភ្នំត្រូវបានស្នើ ឱ្យរៀបចំខ្លួនជំលៀសចេញជាបន្ទាន់ ។ មានមនុស្សដល់ទៅជិត៤០.០០០នាក់ រស់នៅជុំវិញភ្នំភ្លើងនោះ ៕
No comments:
Post a Comment