ថ្ងៃ សុក្រ ទី ២២ ខែ តុលា ឆ្នាំ ២០១០
របបយោធាដែលកាន់អំណាចនៅភូមាបានដូរកាល ពីថ្ងៃទី២១ តុលា នូវឈ្មោះផ្លូវការរបស់ប្រទេស ទង់ជាតិ និងភ្លេងជាតិ ។ នេះជាសេចក្តីរាយការណ៍របស់ម៉ាស៊ីនឃោសនាផ្លូវការ ។ ការផ្លាស់ប្តូរនេះត្រូវបានគេចាត់ទុកថាធ្វើឱ្យស្របទៅតាមរដ្ឋ ធម្មនុញ្ញថ្មី ដែលអនុម័តកាលពីឆ្នាំ២០០៨ ក៏ប៉ុន្តែរដ្ឋាភិបាលនៅពុំទាន់ប្រកាសពីការចូលជាធរមាននៃការ ផ្លាស់ប្តូរនោះ ។ ប្រទេសភូមាចាប់ពីពេលនេះតទៅឈ្មោះសាធារណរដ្ឋ សហភាពមីយ៉ាន់ម៉ា ហើយពុំមែនសហភាពមីយ៉ាន់ម៉ាទៀតឡើយ ។ ពួកយោធាដែលកាន់អំណាចចាប់តាំងពីឆ្នាំ១៩៦២មក បានប្រែឈ្មោះប្រទេសភូមាទៅជាមីយ៉ាន់ម៉ា កាលពីឆ្នាំ១៩៨៩ គឺមួយឆ្នាំក្រោយបរាជ័យនៃការបះបោររបស់ប្រជាជន ។ ចំណែកទង់ជាតិថ្មីមានឆ្នូត៣ ដោយឆ្នូតមួយពណ៌ខៀវថ្លា ឆ្នូតមួយទៀតពណ៌លឿង ហើយឆ្នូតក្រោមគេពណ៌ក្រហម រួចមានផ្កាយពណ៌សធំមួយនៅចំកណ្តាល ។ ពុំមានការផ្តល់ន័យរបស់ទង់ជាតិនេះឡើយ ។ ក្រៅពីដូរទង់ជាតិ ភ្លេងជាតិ ក៏ត្រូវបានផ្លាស់ប្តូរដែរ ៕
No comments:
Post a Comment