ថ្ងៃ សុក្រ ទី ២២ ខែ តុលា ឆ្នាំ ២០១០
រូបភាព បរទេស
នារីម៉ិចស៊ិកអាយុ២០ឆ្នាំជាមេប៉ូលិស
នេះជាតំណែងមួយដែលមនុស្សទាំងឡាយពុំចង់ បានឡើយ ព្រោះវាប្រថុយនឹងគ្រោះថ្នាក់ខ្លាំងណាស់ ។ តំណែងនេះគឺប្រមុខប៉ូលិសក្រុង PRAXEDIS GUADALUPE GUERR-ERO ជាទីក្រុងម៉ិចស៊ិកតូចមួយស្ថិតនៅចំងាយប៉ុន្មានគីឡូ ម៉ែត្រប៉ុណ្ណោះពីព្រំដែនអាេមរិក ។ ទីក្រុងនេះជាតំបន់ឆ្លងកាត់គ្រឿងញៀន ឆ្ពោះទៅកាន់ទីផ្សារអាមេរិកជាមូលដ្ឋានមួយដែលមានគ្រោះថ្នាក់ខ្លាំង ជាងគេបំផុតរបស់ប្រទេស ។ អភិបាលក្រុងនេះត្រូវធ្វើឃាតកាលពីខែមិថុនា កន្លងមកនេះហើយប៉ូលិសក្រុងជាច្រើនរូបត្រូវសម្លាប់ដោយមួយចំនួនត្រូវ កាត់ក្បាលទៀតផង ។ គ្រាន់តែកាលពីសបា្តហ៍មុននៅទីនោះមានការសម្លាប់មនុស្ស៨នាក់ ។
នាងម៉ារីសូល វ៉ាលលេស បានសំរេចប្រថុយនឹងគ្រោះថ្នាក់សុខចិត្តធ្វើជាមេប៉ូលិសក្រុងនេះ ខណៈពេលគ្មានបេក្ខជនណាម្នាក់ហ៊ានដាក់ពាក្យ។ នាងជានិស្សិតសិក្សាខាងឧក្រិដ្ឋកម្មនៅទី ក្រុង CIUDAD JUAREZ ។ និស្សិតស្ត្រីរូបនេះ អាយុទើប២០ឆ្នាំបានចូលកាន់តំណែងផ្លូវការជាប្រមុខ ប៉ូលិសកាលពីថ្ងៃទី២០ តុលា កន្លងមកនេះ ក្នុងពិធីជាផ្លូវការមួយ ។ នាងថ្លែងនាឱកាសនោះថា ខ្ញុំចង់ឱ្យមនុស្សទាំងឡាយកុំឱ្យរស់នៅក្នុងការភ័យខ្លាច ដូចដែលពួកគេធ្លាប់ជួបប្រទះកាលពីមុន ហើយរួមរស់ជាមួយគ្នា ៕
No comments:
Post a Comment