ថ្ងៃ អាទិត្យ ទី ២៤ ខែ តុលា ឆ្នាំ ២០១០
នាយករដ្ឋមន្ត្រីនៃប្រទេសបាបាដូស លោកដេវីដ ថមសុន បានទទួលមរណភាពហើយ ដោយសារជំងឺមហារីកលំពែង ។ លោកបានទទួលមរណភាពក្នុងអាយុ៤៨ឆ្នាំ នៅភូមិគ្រឹះរបស់លោកក្នុងតំបន់ St Philip នៃប្រជុំកោះការ៉ាអុីប ។ តាមប្រភពព័ត៌មានឱ្យដឹងថា លោកនាយករដ្ឋមន្ត្រីដេវីដ ថមសុន បានធ្លាក់ខ្លួនឈឺ ចាប់តាំងពីខែមីនាមកម៉្លេះ ហើយបានទទួលការព្យាបាលជាច្រើនដងនៅក្នុងទីក្រុងញូវយ៉ក ។
លោកដេវីដ ថមសុន ត្រូវបានជ្រើសរើសជានាយករដ្ឋមន្ត្រីនៃប្រទេសបាបាដូស កាលពីខែមករា ឆ្នាំ២០០៨ កន្លងមក ដោយធ្វើឱ្យលោកក្លាយជានាយករដ្ឋមន្ត្រីទី៦របស់ប្រទេសនេះ ។
លោកដេវីដ ថមសុន ត្រូវបានជ្រើសរើសជានាយករដ្ឋមន្ត្រីនៃប្រទេសបាបាដូស កាលពីខែមករា ឆ្នាំ២០០៨ កន្លងមក ដោយធ្វើឱ្យលោកក្លាយជានាយករដ្ឋមន្ត្រីទី៦របស់ប្រទេសនេះ ។
លោកដេវីដ ថមសុន កើតនៅថ្ងៃទី២៥ ធ្នូ ឆ្នាំ១៩៦១ ក្នុងប្រទេសអង់គ្លេស ប៉ុន្តែលោកធំដឹងក្តីក្នុងប្រទេសបាបាដូស ។ ដោយមានអាជីពជាអ្នកច្បាប់ លោកបានចូលប្រឡូកក្នុងឆាកនយោបាយ ហើយទទួលបានជ័យជំនះក្នុងការបោះឆ្នោត បំពេញកន្លែងចន្លោះសំរាប់តំណែងជាមេដឹកនាំគណបក្សពលករប្រជា ធិបតេយ្យ (DLP) នៅឆ្នាំ១៩៨៧ ហើយនៅក្នុងការបោះឆ្នោតឆ្នាំ២០០៨ លោកបានដឹកនាំគណបក្ស DLP ចូលរួមបោះឆ្នោត ហើយទទួលបានជ័យជំនះក្លាយជានាយករដ្ឋមន្ត្រីថ្មីរបស់ប្រទេសបាបា ដូស ៕
No comments:
Post a Comment