ថ្ងៃ សុក្រ ទី ២៤ ខែ កញ្ញា ឆ្នាំ ២០១០
រូបភាពពីវ៉េបសាយបរទេស
លោកប៊ីលហ្គេតមហាសេដ្ឋីលំដាប់ទី១
តាមទីភ្នាក់ងាររ៉យទ័របានផ្សាយ កាលពីថ្ងៃទី២៣ កញ្ញា កន្លងមកថា ទស្សនាវដ្តីហ្វប់បានរៀបចំលំដាប់ថ្នាក់មហាសេដ្ឋី ជនជាតិអាមេរិកប្រចាំឆ្នាំ២០១០ គឺលោកប៊ីលហ្គេត ម្ចាស់ប្រព័ន្ធម៉ៃក្រូសហ្វ (Microsoft) នៅតែគ្រប់គ្រងតំណែងមហាសេដ្ឋីជនជាតិអាមេរិក មានទ្រព្យស្តុកស្តម្ភបំផុតជាឆ្នាំទី១៧ បន្តបន្ទាប់គ្នាដោយមានទ្រព្យសម្បត្តិសរុប៥៤.០០០លានដុល្លារ ច្រើនជាងឆ្នាំមុន (២០០៩) ចំនួន៤.០០០លានដុល្លារ ។
ចំណែកលំដាប់ទី២ របស់លោកវ័រវ៉េន បាហ្វហ្វេត ម្ចាស់ក្រុមហ៊ុនវិនិយោគទុន «ប៊ើកឈៀ ហេថាវ៉េ» មានទ្រព្យសម្បត្តិសរុប៤៥,០០០លានដុល្លារ កើនលើសពីឆ្នាំ២០០៩ ចំនួន៥,០០០លានដុល្លារ ។ សំរាប់លំដាប់ទី៣ នៅតែជារបស់លោកលែរ៍រី អេលលីសុន អ្នកបង្កើតក្រុមហ៊ុនអូរ៉ាឃើល មានទ្រព្យសម្បត្តិសរុប២៧.០០០លាន ដុល្លារស្មើនឹងឆ្នាំមុន និងលំដាប់ទី៤ ជារបស់ លោកគ្រីស្ទីវ៉លតុន មានទ្រព្យសម្បត្តិសរុប២៤.០០០លានដុល្លារ កើនលើសពីឆ្នាំមុនចំនួន២.៥០០លានដុល្លារ ។
ដោយឡែកចំពោះមហាសេដ្ឋីដែលមានវ័យចំណាស់បំផុតគឺ លោកដេវីដ រ៉ុកគីហ្វេលល័រ ស៊ីនៀ អាយុ៩៥ឆ្នាំ មានទ្រព្យសម្បត្តិ២.៤០០លានដុល្លារ ប៉ុន្តែការមានទ្រព្យស្តុកស្តម្ភនេះមិនមានការកំណត់លំដាប់ថ្នាក់ឡើយ ៕
No comments:
Post a Comment