ថ្ងៃ សុក្រ ទី ២៤ ខែ កញ្ញា ឆ្នាំ ២០១០
រូបភាព បរទេស
ប្រធានាធិបតីអ៊ីរ៉ង់ថ្លែងក្នុង អ ស ប
គណៈប្រតិភូសហរដ្ឋអាមេរិក និងគណៈប្រតិភូមកពីប្រទេសលោកខាងលិចដទៃទៀត កាលពីថ្ងៃទី២៣ កញ្ញា បានដើរចេញពីវេទិកានៃមហាសន្និបាត អ.ស.ប លើកទី៦៥ ដើម្បីជាការប្រឆាំងនឹងការលើកឡើងរបស់ប្រធានាធិបតីអ៊ីរ៉ង់ លោកម៉ាមូដ អាម៉ាឌីណឺហ្សាដ ដែលវាយប្រហារដោយពាក្យសំដីលើក្រុងវ៉ាស៊ីនតោន ។ ក្នុងឱកាសនៃការចូលរួមថ្ងៃដំបូងនៃមហាសន្និបាត អ.ស.ប នោះ លោកអាម៉ាឌឺណឺហ្សាដ បានថ្លែងចោទប្រកាន់សហរដ្ឋអាមេរិកថា ជាអ្នកនៅពីក្រោយការវាយប្រហារភេរវកម្មថ្ងៃទី១១ កញ្ញា ឆ្នាំ២០០១ ដែលបណ្តាលឱ្យស្លាប់មនុស្សជិត៣.០០០នាក់ ។ លោកអាម៉ាឌីណឺហ្សាដ ថ្លែងថា មានមនុស្សមួយចំនួនបានឃើញហេតុការណ៍វាយប្រហារភេវរកម្មថ្ងៃទី១១ កញ្ញា ឆ្នាំ២០០១ ដោយលោកចោទប្រកាន់ថា ការវាយប្រហារនេះជាផ្នែកមួយនៃផែនការរបស់អាមេរិក ដើម្បីការពារអ៊ីស្រាអែល ។
លោកអាម៉ាឌីណឺហ្សាដ ថ្លែងទៀតថា រូបលោកនឹងរៀបចំសន្និសីទមួយស្តីពីអំពើភេរវកម្មនៅឆ្នាំក្រោយ ហើយលោកថ្លែងថា ឆ្នាំ២០១១ គួរតែជាឆ្នាំនៃការរំលាយអាវុធនុយក្លេអ៊ែរ ។ លោកអាម៉ាឌី ណឺហ្សាដ ធ្លាប់ធ្វើឱ្យមេដឹកនាំអាមេរិក និងមេដឹកនាំអឺរ៉ុប ដើរចេញពីមហាសន្និបាត អ.ស.ប ម្តងរួចហើយ ដោយសារអត្ថាធិប្បាយរបស់លោកប្រឆាំងអាមេរិក និងអ៊ីស្រាអែល ៕
No comments:
Post a Comment